SANTIAGO .- A Consellería de Medio Ambiente, Territorio e Infraestruturas adxudicou as obras dos colectores xerais e a estación depuradora de augas residuais do concello lucense de Cervo por un importe de 1.174.999 euros, á empresa Ute Vivendas e Obras Civiles-Passavant. Cómpre recordar que esta actuación foi aprobada no Consello da Xunta do pasado 8 de outubro e licitada a finais dese mesmo mes.
O departamento que dirixe Agustín Hernández, a través de Augas de Galicia, financiará o 100 por cento das obras. Este financiamento por parte do Goberno galego enmárcase no programa de colaboración técnico-financeira entre a Consellería de Medio Ambiente e as entidades locais que en moitos casos non dispoñen de orzamentos precisos para a dotación de infraestruturas.
Cómpre sinalar que Augas de Galicia, departamento pertencente á Consellería de Medio Ambiente, Territorio e Infraestruturas, levará a cabo diferentes actuacións para resolver as carencias da rede de saneamento de Cervo e Figueirido. Tamén se inclúen as verteduras de augas residuais sen depurar ao río Xunco, problema que se solucionará coa construcción dunha nova estación depuradora con capacidade para beneficiar a máis de 1.500 habitantes.
NOTA DO CONCELLO DE CERVO:
VILLARES CUALIFICA A NOVA DA ADXUDICACIÓN DAS OBRAS DO SANEAMENTO DE CERVO E FIGUEIRIDO COMO “UNHA BOA FORMA DE EMPEZAR O ANO”
*
Segundo as previsións do goberno municipal, o 80% das obras poderán estar rematadas ao longo do presente ano
*
Esta actuación leva sendo moi demandada tanto polos veciños do núcleo de Cervo como polo Goberno municipal
*
As obras da nova EDAR contribuirán ao saneamento do río Xunco e dará cobertura a máis de 1.500 habitantes.
Cervo, 4 de xaneiro de 2010.- O alcalde de Cervo, Alfonso Villares cualificou hoxe como “unha boa forma de empezar o ano para Cervo” a noticia da adxudicación das obras dos colectores xerais e a estación depuradora que dará servizo aos núcleos de poboación de Cervo e Figueirido.
Villares valorou positivamente este anuncio, o cal cualificou como “a materialización definitiva do compromiso adquirido polos actuais responsables da Consellería de Medio Ambiente para dar saída a unha obra que viña sendo moi demandada dende hai anos tanto polos veciños como polo propio Goberno municipal”.
O alcalde tamén salientou a importancia que ten para todos os veciños da conca do río Xunco contar con esta nova rede de saneamento das augas residuais, non só desde un punto de vista medioambiental senón tamén como infraestrutura para o desenvolvemento, o progreso e o crecemento destas localidades “algo polo que sempre apostou este Equipo de Goberno”.
O rexedor asegurou que con esta nova depuradora garantirase a prestación dun servizo de calidade para os núcleos que bordean o río Xunco, ao tempo que suporá un aforro para o concello “e permitiranos ter unha visión integral dunha zona de especial interese paisaxístico e natural coma é a canle deste río e do seu contorno”.
Características técnicas
Así, as obras céntranse nun novo colector de residuais paralelo á marxe dereita do río Xunco, fóra da zona de servidume excepto un mínimo treito que transportará as augas de Cervo ata a Edar. O proxecto tamén contempla un bombeo con 25 metros de impulsión para elevar as augas da rúa Soto e da Xosé Álvarez ata a nova rede. Ademais, construirase unha rede separadora para pluviais na rúa do Vilar, que verterá ao Xunco.
Por outra parte, en Figueirido instalarase unha reixa na arqueta de desbaste da depuradora prefabricada existente, dotándoa tamén dun aliviadoiro, procedendo así á correcta execución do separador de graxas. O colector actual será reparado á súa chegada a esta depuradora, permitindo a mellora da coieira de protección nun treito de 180 metros que se atopa en mal estado.
A Edar, ubicada nunha parcela de 1.425 m2 no concello de Cervo, terá un caudal medio de 290 m3/día e un caudal punta de 36,25 m3/hora. O prazo de execución das obras establecido por Augas de Galicia é de 26 meses.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
