Lugo, 27 de novembro de 2017.- A Consellería do Medio Rural ven de poñer en marcha 26 proxectos de traballos forestais na provincia de Lugo, que supoñen limpar, acondicionar ou reforestar máis de 200 montes na provincia. Todos eles son propiedade de particulares, pero teñen asinado un convenio de xestión coa Consellería do Medio Rural. A meirande parte dos montes pertencen a comunidades veciñais ou de montes en man común.
O delegado territorial de Lugo, José Manuel Balseiro, explicou hoxe en rolda de prensa os pormenores destes proxectos, nos que a Xunta inviste 3 millóns de euros (en concreto, 2.972.427,30 euros), e que suman arredor de 1.700 hectáreas distribuídas en 37 concellos da provincia. Todas as obras están en marcha -deron comezo no mes de outubro- e os traballos estenderanse ao longo do ano 2018.
Balseiro afirmou que “coa aplicación das técnicas silvícolas axeitadas, a Xunta procura a valorización do monte galego para que sexa un activo de importancia para os seus propietarios, produtor de rendas e servizos, ao tempo que mellora e consolida a estrutura forestal da provincia”.
Nos máis de 200 montes sobre os que se vai actuar realizaranse traballos silvícolas como rozas, rareos, podas ou tratamentos fitosanitarios. Igualmente, executaranse proxectos de ordenación e de recuperación forestal, especialmente nos montes danados, que se viron afectados por lumes, pragas e outras circunstancias.
O delegado puxo de manifesto o “esforzo orzamentario así como de recursos humanos e de tempo” que conlevan estas actuacións, que se programan todos os anos -sinalou- “porque cremos no potencial forestal desta provincia e porque sabemos que ter os montes en boas condicións é un valor á hora de evitar ou reducir os danos que provocan os incendios”.
Na mesma liña, indicou que os obxectivos fundamentais das actuacións de silvicultura son reducir o risco de incendios ao eliminar combustible vexetal e maleza, mellorar a produción de madeiras de calidade e consolidar aproveitamentos forestais complementarios e, por último, crear emprego e riqueza no medio rural a través desta actividade.
Ao respecto, destacou que dos preto de 3 millóns de euros, a contía máis numerosa (1.830.285 euros) distribúese nun macroproxecto que afectará aos montes das serras orientais: a zona sur e comarcas dos Ancares e A Fonsagrada.
“Estes investimentos son unha proba máis de que a Xunta traballa intensamente para manter nas mellores condicións posibles os montes da provincia”, asegurou Balseiro, ao tempo que pediu “tolerancia cero con quen planta lume no monte intencionadamente, para erradicar esta lacra que tanto nos prexudica económica e socialmente”.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
