Foz, 26 de decembro de 2017. O BNG de Foz presentará tres novas mocións no pleno ordinario de decembro, que se celebrará o próximo xoves día 28. “A primeira delas propón a posta en marcha no noso concello do programa “Xantar na Casa”, que estaba incluído na carteira de prestacións do Consorcio Galego de Benestar do Goberno bipartito, e que foi posteriormente suprimido polo PP no ano 2009″, declaran Lorena Seivane e Teresa Rego.
O programa pretende facilitar unha alimentación sa a domicilio a persoas maiores, dependentes ou persoas en situacións de exclusión social. Asimesmo, favorece a autonomía persoal dos usuarios e dá un respiro aos familiares coidadores, axudando á conciliación laboral e familiar dos mesmos.
O obxectivo da moción é que poidan adherirse ao programa todas as persoas maiores, dependentes ou en situación de exclusión social que o desexen, pagando unha cantidade máxima de cen euros ao mes. De aprobarse, o Concello redactaría a Ordenanza reguladora do servizo e os Servizos Sociais municipais xestionarían a posta en marcha do Programa.
“A segunda moción vén motivada polas queixas dos veciños de Fazouro que se ven obrigados a atravesar a estrada nacional 642 para coller o transporte de liña regular, o transporte escolar, o dos traballadores de Alcoa ou mesmo os clientes do restaurante situado nas inmediacións da rotonda máis próxima a Foz, con alto risco para a súa seguridade”, afirman Seivane e Rego.
A moción propón que o Concello inste a Fomento a pintar e sinalizar dous pasos de peóns entre as dúas rotondas da Fazouro para garantir a seguridade das persoas que queiran cruzar a estrada.
Por último, e “como moción histórica, é dicir, aquelas vellas reivindicacións do BNG que foron presentadas e aprobadas con anterioridade mais nunca executadas polos distintos Gobernos municipais, propoñemos a creación dun Regulamento de Participación Cidadá, que terá como obxectivo promover a participación veciñal na xestión municipal, a nivel individual ou asociativo, para facer efectivos os dereitos da veciñanza recollidos en distintas Leis da Administración Local”, anuncian as concelleiras nacionalistas.
Se se aproba a moción, o Regulamento creará mecanismos que garantan a iniciativa veciñal e a consulta popular, facendo necesario informar aos veciños sobre os grandes temas da política municipal, como poden ser os orzamentos, os plans urbanísticos, a política de emprego, os servizos sociais, ou a planificación cultural, e promovendo a súa participación na toma de decisións sobre todos os temas que lles afectan.
O BNG solicitará no pleno a implantación do servizo Xantar na casa, a creación de novos pasos de peóns en Fazouro e a elaboración do Regulamento de participación cidadá
Relacionado
-
Pontón chama a un seguimento masivo da folga xeral do 11N para reclamar “o dereito a ter unha vida digna” en Galiza
-
Marta Rouco considera “moi grave” que “a Xunta castigue un ano máis aos veciños de Vilalba nos Orzamentos de todos os galegos”
-
O PSdeG esixe ao alcalde de Abadín unha solución inmediata para a falta de auga na Arca
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
