Ribadeo, 3 de xaneiro de 2018. O concelleiro de Cultura, Farruco Graña, anima a participar nas actividades culturais que se desenvolven estes días en Ribadeo.
O concelleiro de Cultura, Farruco Graña, lembrou que “no plano cultural imos poder entrar todos no novo ano con moi bo pé porque seguen as actividades no concello de Ribadeo. Hoxe, mércores 3, ás catro e media da tarde no Teatro vai haber unha actividade interxeneracional de nenos e nenas, e de xente maior, da man de Juan Silvent, de Barriga Verde, O cinema de antes. Achegámonos hoxe pola tarde ás catro e media ao Teatro e poderemos ter unha experiencia singular, os avós recordar como ían ao cine e os pequenos saber cómo se ía antes ao cine. O básico é o de sempre, pero hai ese matiz, aquelas butacas de madeira e ese romanticismo do cine”.
O edil ribadense engadiu que “para os amantes da música ás oito da tarde de hoxe, no auditorio municipal Hernán Naval, teremos o concerto de música clásica a cargo de Luca Camerata. Un evento que é patrocinado pola Deputación de Lugo, e que gustosamente o Concello de Ribadeo, a través da súa Concellería de Cultura, colabora para que poida haber esta actividade no noso concello. A entrada é gratuíta”.
Farruco Graña contou que “mañá, xoves 4, ás cinco e media da tarde, tamén no auditorio municipal Hernán Naval, Educateatro presenta o musical para público familiar O mundo máxico de Pinocchio. Nesta ocasión haberá que pagar un tícket de 4 euros, a non ser os nenos e nenas menores de 2 anos que terían a entrada gratuíta”.
O concelleiro engadiu que “este venres ao longo de toda a tarde, o que ven é a Cabalgata dos Reis Magos. Así que todos e todas aproveitaremos para comer unhas lambetadas e uns carameliños, ver aos Reis Magos e pasalo ben todos en familia que é o que conta”.
Farruco Graña anima a participar nas actividades culturais que se desenvolven ata o venres 5 en Ribadeo
Relacionado
-
Máis dunha vintena das principais entidades pesqueiras reúnense no porto de Burela para analizar as principais preocupacións do sector
-
A pediatra Consuelo Lobelle destaca nas Xornadas “Pesca Saúde” de Burela a importancia do peixe na alimentación infantil
-
Trabada avanza na recuperación dos vestiarios do pavillón municipal tras o incendio de xaneiro
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
