Madrid, 18 de xaneiro de 2018. O presidente da Mancomunidade de Municipios da Mariña, Alfredo Llano, fixo un balance positivo da presenza da comarca en Fitur e da presentación que tivo lugar esta tarde no stand de Galicia. E subliñou que “o que buscamos é un turismo fluído e integrador”.
Llano explicou que “acabamos de facer a presentación da Mariña en Fitur, houbo bastante presenza tanto institucional como de turoperadores, dedicámonos a dar a coñecer as virtudes desta comarca, enfocámolo na diversidade na capacidade que temos para ofrecer grandes oportunidades a quen nos visita, como poden ser as praias, pero tamén a gastronomía, o deporte, a cultura, a etnografía… fixemos mención a toda a oferta que poden atopar na Mariña”.
O presidente da Mancomunidade de Municipios da Mariña subliñou que “fixemos fincapé en que nos interesa un turismo fluído, de descanso e que descubra todo o que temos na nosa terra, que non se concentren nas mesmas datas e nos mesmos lugares, queremos que se disperse, que se integren entre nós e que lles queden moitas ganas de volver. Buscamos un turismo integrador e fluído con moitas expectativas e oportunidades de coñecer en profundidade esta terra”.
Alfredo Llano pensa que “esa idea foi ben recollida e agardamos que dea os seus froitos e tentaremos seguir aí apoiando o turismo desta comarca. Pronto asinaremos un novo convenio coa Axencia de Turismo de Galicia, agardo que Nava Castro veña á Mariña. Tiven a oportunidade de estar co ministro e co embaixador de Cabo Verde para traballar asuntos en común, a promoción turística de Cabo Verde na comarca e da comarca nese país. Foi unha cuestión moi positiva”.
O presidente da Mancomunidade engadiu: “quedamos satisfeitos da nosa presentación. É a edición de Fitur onde máis xente vin, é incrible a cantidade de xente que hai na feira. Deixamos moitos dípticos da Mancomunidade. Os que viñeron para o inicio de Fitur xa estaban esgotados, aínda trouxen eu máis e deixámolos repartidos nos diferentes mostradores da Axencia de Turismo de Galicia. Creo que foi positiva a nosa presenza aquí. Agardamos que agora se note na particularidade durante todo o ano para que veña moita xente á Mariña”.
Alfredo Llano fixo un balance positivo da presenza da mariña en Fitur e da presentación que tivo lugar este xoves no stand de Galicia
Relacionado
-
A Deputación abre este luns o prazo para inscribirse nas actividades das Reservas da Biosfera
-
A Xunta adxudica por máis de 2,1M€ as obras de rehabilitación de 6 vivendas para alugueiro accesible con preferencia a menores de 36 anos en Ribadeo
-
O San Xoán das Corporacións, en Foz, celebrarase o martes con pregón, música e fogueira tradicional
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
