Lugo, 14 de febreiro de 2018. O Deputado de Cooperación e Asistencia aos Concellos, Argelio Fernández Queipo, presentou este mércores as Xornadas sobre a nova Lei 9/2017 de contratos do sector público, que terán lugar o 19 e 20 de febreiro no Salón de Actos do Pazo de San Marcos. Os coloquios, que contarán coa asistencia de máis de 180 profesionais, están dirixidos a secretarios, interventores, tesoureiros e persoal ao servizo do sector público local. Nestes encontros realizarase unha análise dos cambios lexislativos que a Lei 9/2017 producirá nun futuro inmediato en materia de contratación pública.
Fernández Queipo destacou “dende o Goberno da Deputación traballamos para mellorar a eficiencia, transparencia e xestión na administración pública. Neste senso, levamos a cabo estas xornadas formativas sobre os cambios que se producirán na contratación pública coa entrada en vigor da nova lei no mes de marzo. As charlas contarán con tres poñentes de gran prestixio como son: Javier Tena Ruiz, Interventor Tesoureiro da Administración Local e Subdirector Xeneral de Coordinación da Contratación do Concello de Madrid; Elena Hernáez Salguero, Presidenta do Tribunal Administrativo de Contratación Pública da Comunidade de Madrid; e Patricia Valcárcel Fernández, Profesora Titular de Dereito Administrativo na Universidade de Vigo”.
Os obxectivos destas xornadas son, por unha banda, dar a coñecer os cambios na contratación pública con respecto aos principios de igualdade de trato, non discriminación, transparencia, proporcionalidade e integridade. E, por outra banda, preténdese realizar un retrato da paisaxe lexislativa marcada pola “Estratexia Europa 2020”, que persegue un crecemento económico intelixente, sostible e inclusivo que garanta un uso máis racional dos fondos públicos dentro dos Estados da Unión Europea.
Programa das xornadas
Luns, 19 de febreiro de 2018
– De 09:00 a 14:00 horas: Javier Tena Ruiz. Interventor Tesoureiro de Administración Local, Coordinador do Proxecto CSP (Contratos no Sector Público) e Subdirector Xeral de Coordinación da Contratación do Ayuntamiento de Madrid.
Contido:
O obxecto e a necesidade da contratación
A determinación da necesidade e o seu marco temporal
A configuración do obxecto do contrato:
• Fraccionamento do obxecto contractual.
As especificacións técnicas
As condicións especiais de execución
Os compromisos de adscrición de medios
A aptitude para a contratación
Condicións de solvencia e clasificación
Integración de solvencia cos medios de terceiros
As UTEs
Os cambios producidos nos procedementos de contratación
De procedementos simplificados ao contrato menor, pasando polo procedemento negociado.
– De 16:30 a 20:30 horas: Elena Hernáez Salguero. Presidenta do Tribunal Administrativo de Contratación Pública da Comunidade de Madrid.
Contido:
Tipoloxías dos contratos e diferenciación
Concesión de Servizos
Contrato de Servizos
Administrativos especiais
Xestión de servizos non públicos
Réxime de Recursos administrativos en materia de contratación
Actos e procedementos
Aspectos Sociais e Medioambientais da contratación pública
Opcións e límites á incorporación de cláusulas sociais e medioambientais na contratación pública
Martes, 20 de febreiro de 2018
– De 16:30 a 20:30 horas: Patricia Valcárcel Fernández. Profesora Titular de Dereito Administrativo da Universidade de Vigo.
Contido:
A adxudicación e perfeccionamento dos contratos
Criterios de adxudicación
Actuacións das mesas de contratación.
Tratamento das ofertas anormais ou desproporcionadas
Execución e modificación dos contratos
Réxime de control e penalidades
A responsabilidade do contratista
Modificación do contrato e prestacións complementarias
Resolución do contrato
Liquidación dos contratos
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
