Foz, 20 de febreiro de 2018. O Instituto de Educación Secundaria (IES) de Foz acolle desde mañá, mércores, ata este venres a décimo primeira edición do Campionato Internacional de Baristas de Escolas de Hostalería, evento no que participarán 18 centros de Galicia, Asturias, Cantabria, Vitoria, Castela-León e París. Tamén se celebrará o VI Campionato de Baristas Profesionais, que contará con 12 participantes, e o VI Campionato de Catas de Cafés de Escolas de Hostalería.
Os representantes do IES de Foz no evento son Ander Villanueva Santiago, que participará no campionato de baristas, e Juan Rubiños Prieto, que competirá no de catas de cafés.
O programa de actividades ábrese mañá, mércores, ás 16:00 horas coa recepción de participantes e xuíces. Ás 17:00 horas empezarán as probas do XI Campionato Internacional de Baristas de Escolas de Hostalería e media hora despois celebrarase o VI Campionato Internacional de Cata de Cafés de Escolas de Hostalería, cuxa entrega de trofeos e diplomas terá lugar ás 20:15 horas. A continuación haberá unha demostración de tiraxe de cervexa a cargo dun brand ambassador de Mahou e rematará a xornada cun cóctel de benvida.
O xoves ás 09:30 horas continuará o campionato de baristas de escolas de hostalería e ás 14:00 terá lugar a entrega de trofeos e diplomas deste certame.
E o venres a partir das 09:30 horas disputarase o VI Campionato Internacional de Baristas Profesionais. Ás 14:00 desenvolverase a charla titulada A infusión, a ovella negra da hostalería, que correrá a cargo de Juanjo Barquilla e Víctor Couto. E a continuación rematará o evento coa entrega de premios e diplomas de participación do campionato de baristas profesionais.
O xoves e o venres de 09:30 a 13:00 horas na cafetería de Hostalería do IES de Foz haberá degustacións de cafés por deferencia de Candelas, Veracruz, Cafento, Lúa, Dromedario, Mafari, Mocay, Foronda e Templo, acompañados por Gotas del Marqués.
O IES de Foz acolle desde este mércoes ata o venres o XI Campionato internacional de baristas de escolas de hostalería
Relacionado
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
