Nun momento de crise económica como o actual non se trata de recortar os servizos públicos senón todo o contrario. É preciso que as institucións agudicemos o enxeño para poñer en marcha medidas estratéxicas que axuden a mellorar a economía da provincia, de tal xeito sexamos un punto de apoio para os nosos autónomos, os nosos gandeiros, os nosos pescadores… en definitiva, para todo tecido empresarial da provincia.
Dende a Deputación de Lugo fixemos un grande esforzo por aumentar o Orzamento Xeral de 2010. Supera os 143.600.000 euros, o que supón un incremento dun 1,10% mais que en 2009. É un presuposto estratéxico para a provincia e está pensado para dar cumprimento ó primeiro Plan Estratéxico Provincial concluído en decembro, e que dá unha visión real e global de Lugo.
A que destinaremos estes cartos? En primeiro lugar, a cooperar máis ca nunca cos 67 Concellos. As entidades locais están atravesando a peor crise económica dos 30 anos de gobernos locais democráticos e necesitan equipamentos sociais e crear postos de traballo para afrontar a crise demográfica que leva décadas castigando a esta provincia. Neste senso, poremos fin a débedas históricas, destinando partidas específicas para os municipios afectados polo canon hidroeléctrico, o mantemento dos parques de bombeiros e dos hospitais, que neste último caso, gustaríame lembrar que, debido á paralización do Presidente da Xunta no proceso de transferencias hospitalarias, a de Lugo segue a ser a única Deputación de España con hospitais ó seu cargo; unha situación que nos obriga a destinar 11,5 millóns de euros neste Orzamento.
Lugo entrará de cheo nas novas tecnoloxías co programa Innova-TE, tal e como reflicte o Presuposto, pero tamén continuaremos traballando cos municipos fronte a unha anterior Deputación que lles negaba a cooperación. Exemplos a desenvolver en 2010 desta colaboración son a contratación conxunta do subministro eléctrico, a análise do ciclo da auga, a contratación para a actualización dos datos catastrais, o POS, o plan de pequenas infraestruturas para Concellos de menos de 5.000 habitantes, o Plan Urban, e crearemos unha nova partida só para rúas nos municipios que supera os 2 millóns de euros.
O orzamento tamén está orientado a fortalecer o sector agrogandeiro, a verdadeira columna vertebral da economía lucense que urxe un modelo produtivo máis rendible, e que obterá da Deputación o primeiro centro público de recría de gando de España, cifrado en máis de 10 millóns de euros. Ademais, tamén está dirixido a potenciar o turismo, porque non nos conformamos con transformar o Xacobeo en beneficios para a provincia, senón porque queremos un modelo de turismo sostible e de futuro que supere a propia celebración do Ano Santo.
Creo que soubemos xogar con todas as pezas que conforman a Deputación para conseguir un aumento do Orzamento Xeral, acentuando a actividade do organismo provincial onde realmente somos útiles á provincia. É dicir, ós veciños dalles igual que parte do organismo provincial lles solucione o problema: se o Instituto de Desenvolvemento Económico e Social (INLUDES), a propia institución, a Sociedade Urbanística Provincial (SUPLUSA)… o que queren é solucións, e na Deputación darémosllelas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
