RIBADEO (FNC) .- O Concello acomete unha execución subsidiaria na fachada posterior da Torre dos Moreno para evitar o desprendemento de cascotes á rúa e os danos que poidan causar aos viandantes.
O alcalde explicou que “estamos a actuar atendendo a informes dos técnicos municipais do Concello que recomendan que temos que intervir sobre diversos elementos na fachada posterior da Torre dos Moreno que ameazan con caer directamente á vía pública, sobre todo de partes que o ferro foi escachando… por eso estamos a facer unha execución subsidiaria no día de hoxe con persoal municipal, co camión elevador e baixo a supervisión dos técnicos municipais para evitar que estes fragmentos nun momento de vento ou de tormenta poidan caer á vía pública e lastimar a algún viandante”.
Fernando Suárez sinalou que “onte mesmo fixemos unha nova cata nunha das zapatas posteriores da cimentación da Torre atendendo aos criterios marcados polo presidente de honra de Intemac, José Calavera. Él e o seu equipo están a traballar á hora de darnos unha solución de emerxencia desde o punto de vista técnico para acometer as obras imprescindibles para a consolidación estructural da Torre dos Moreno”.
O rexedor manifestou que “os propietarios, que son moitos e diversos, estánse enfrontando a unha enorme responsabilidade e o Concello na parte que lle toca, aproximadamente nun 20%, tamén. A parte da propiedade, sobre todo a que está na diáspora na Arxentina, da que non sabemos nada, á que lles mandamos comunicados e requerimentos, coa que tentamos contactar e ás veces escoitamos un sonoro silencio non é consciente da realidade material do edificio. O Concello está a traballar en estreita colaboración coa Xunta, a través do xefe territorial de Cultura, José Carlos Rodríguez Andina, para garantir a permanencia do inmoble, entendendo que si a Xunta quixese liderar esta actuación o Concello sen dúbida ningunha iría detrás dela en todo o que nos digan, pero si ten que ser o Concello o que lidere o que pido, e entendo que así será, é que a Xunta debe apoiar as iniciativas que fagamos de aquí en diante”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
