Ribadeo, 20 de marzo de 2018.-A Consellería de Economía, Emprego e Industria, a través do Igape, promove as iniciativas de diversificación e creación de novas empresas a través do programa Galicia Rural Emprende. Para este fin, o Goberno galego destina 4,5 millóns de euros, isto é, un 80% máis de orzamento dispoñible que na anterior convocatoria.
Os beneficiarios destas axudas poden ser autónomos, pequenas e medianas empresas que teñan previsto desenvolver actividades non agrarias en calquera dos concellos lucenses, excepto a zona urbana de Lugo cidade. Os interesados poden presentar a súa solicitude de axuda ata o vindeiro 26 de marzo.
Así o fixeron por exemplo, dous emprendedores da Mariña lucense, que hoxe contaron coa visita do delegado territorial da Xunta en Lugo, José Manuel Balseiro, que quixo coñecer de primeira man o desenvolvemento destas iniciativas apoiadas pola administración autonómica ao abeiro do programa Galicia Rural Emprende.
Bungalós turísticos
O primeiro proxecto, ten por obxecto a construción de cinco bungalós para o seu aluguer na localidade de Barreiros, un dos municipios de maior afluencia turística da Mariña, de xeito especial no período vacacional. A iniciativa conta cun orzamento de 166.000 euros dos que a Xunta achega 65.000 euros.
Esta actividade de nova creación, promovida por un emprendedor, na condición de traballador autónomo, busca ofertar aloxamentos individuais que permiten un maior contacto coa natureza e dispoñer de todas as comodidades dunha vivenda.
A principal canle de comercialización será a través da rede internet, cunha web propia e participando nas centrais de reserva. Ademais disporá dun bungaló adaptado a persoas con mobilidade reducida e discapacidade. A construción destas instalacións está en marcha e a previsión é que entre en funcionamento este verán.
Servizos forestais
A segunda das iniciativas apoiadas está emprazada en Ribadeo e foi promovida por un mozo emprendedor, de 28 anos, xerente da empresa Logística Trafor que decidiu diversificar as súa actividade ao ámbito dos servizos forestais. O proxecto contou cun orzamento de máis de 119.000 euros apoiados cunha axuda autonómica de 70.000 euros.
Inicialmente esta empresa –que conta cun cadro de persoal de 10 traballadores- desenvolvía a súa actividade no ámbito do transporte de mercadorías, principalmente de madeira. O contacto directo con este sector levoulles á idea de ampliar a súa actividade e incluír a corta e retirada de madeira, completando deste xeito os servizos ofertados.
O apoio da Xunta tivo por obxecto prioritario a adquisición dun autocargador destinado á corta e saca de madeira do monte, para un posterior traslado aos locais dos clientes ou á factoría de transformación. A nova maquinaria está especialmente deseñada para moverse por estreitas pistas forestais.
Balseiro concluíu sinalando que estes e outros proxectos exemplifican a filosofía do programa da axudas Galicia Rural Emprende, que pon a disposición de emprendedores e pequenas e medianas empresas un amplo abano de recursos e instrumentos que melloren as posibilidades de éxito dos seus proxectos e a súa consolidación no mercado. Ao mesmo tempo, contribúese así a fixar poboación nas zonas rurais e aumentar as oportunidades dos seus habitantes no eido laboral.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
