Lugo, 3 de abril de 2018. A Deputada de Cultura, Pilar García Porto, avanzou este martes os actos que ten programados o Goberno da Deputación para celebrar os Días Europeos da Artesanía. “Son concretamente 3 roteiros no CENTRAD totalmente gratuítos, durante este sábado e o domingo, para coñecer de preto o traballo que realizan os nosos artesán. En primeiro lugar, haberá un roteiro á colección de Instrumentos musicais do CENTRAD na que destaca a colección máis importante en Europa de instrumentos de corda medievais dos séculos XII e XIII. Os visitantes tamén poderán participar na xornada sobre vestimenta e folclore, e o domingo haberá un roteiro sobre o traxe aldeán de garda nas terras de Lugo, que organiza Tranxandaina”.
Toda a información sobre estas actividades gratuítas pódese consultar no seguinte teléfono 982 21 00 66, ou no correo electrónico: info.centrad@deputacionlugo.org.
Roteiro á Colección de Instrumentos musicais
Esta cita será o sábado, día 7 de abril, dende ás 12:00 ata as 13:30 horas, e estará dirixida por persoal do CENTRAD. A colección está constituída por fondos procedentes da antiga sección de música do Museo Provincial de Lugo, fondos de produción propia froito de diferentes proxectos de investigación, adquisicións, doazóns e depósitos de particulares. Completan a colección importantes fondos documentais e bibliográficos reunidos ao longo destes anos relacionados coa materia. A tipoloxía dos seus bens abrangue instrumentos de música, tanto do patrimonio musical galego como numerosos exemplares procedentes doutras culturas, instrumentos mecánicos, obxectos e xoguetes sonoros, indumentaria tradicional e réplicas en petro de iconografía musical. Destaca a colección máis importante en Europa de instrumentos de corda medievais dos séculos XII e XIII.
Xornada sobre vestimenta e folclore
Celébrase o sábado día 7 no CENTRAD, a partir das 17:00 horas, e contará coa participación de Isidoro Rodríguez que falará sobre: “Saber o que buscamos para poder atopalo: o Traxe Tradicional Galego”, o músico Javier Feijoó “Xisco”: “A danza en Galicia”, os compoñentes de Traxandaina, Antonio Sanjurjo e Teresa Astorgano: “Recollendo hoxe”. Tamén intervirá o músico Davide Salvado: “Coplas vestidas”. Esta xornada remata cunha quenlla de preguntas, e a visita á exposición Traxandaina: o traxe aldeán de garda nas Terras de Lugo, na Capela de Santa María.
Roteiro ao traxe aldeán de garda nas terras de Lugo
Este percorrido será dirixido polos integrantes de Traxandaina o domingo, día 8 de abril, a partir das 18:00 horas. A exposición contén vinte e cinco traxes compostos de prendas orixinais e reproducións que se complementan con reproducións de ourivería compostelá e algunhas pezas singulares. As prendas expostas foron recollidas nas casas onde os seus antergos as vestiron e que, grazas aos vínculos familiares, chegaron ata os nosos días. Trátase de pezas moi consideradas polas mulleres dado que eran as que se gardaban para lucir os días de feira, os domingos para ir á misa ou “dominguear” e que, como norma xeral, serían as mellores prendas que lucirían na súa vida. Poderán verse pezas como os mandís de mostra ou mostriles, aos que se lles dedica un apartado especial como testemuño da súa importancia xa que son considerados como denominador común exclusivo da provincia de Lugo. Tamén mantelas ou lensas, que cobren a saia e que se atopan espalladas por toda a provincia. Refaixos bordados á man ou de tecidos coloristas de la, feitos á gancho, con material sobrante das colchas. Camisas de liño de cortes rectos para aproveitar os anchos do tear, cosidas riscando os pulsos, o peito, as costas e os ombreiros. Mantillóns de gala, mandís de traballo, panos de peito e de cabeza, toucas de pelo de cabra, mantóns de la, feitos no Val de San Lorenzo, coas mesmas técnicas e materiais que as mantas maragatas.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
