As monitoras do Centro Gaia, pertencentes á Concellería de Medio Ambiente de Burela, acompañaron onte ao alumnado de 2º de primaria do Ceip Vista Alegre nunha ruta para visitar distintos elementos da paisaxe de Burela, do patrimonio natural do concello: fontes e lavadoiros, cabozos, castiñeiros centenarios e o hipocausto romano. Segundo explicaron as monitoras de Gaia “con esta ruta os rapaces achegáronse aos costumes, forma de vida e historia dos nosos ancestros, a cómo vivían, cómo ganaban a vida, cómo realizaban as tarefas cotiás”. A concelleira de Medio Ambiente, Noelia Mª Ben, destaca que “con estas actividades preténdese preservar e dar a coñecer e valorar o noso patrimonio natural e cultural”.
Actividades do Centro Gaia
Relacionado
-
A vía que conecta o cruce do Centro Social de Lago co Burgo da Barxa, en Xove, permanecerá cortada ao tráfico os días 31 de agosto, 1 e 2 de setembro debido aos traballos de mellora da ponte da Barxa
-
Veciños do barrio de Xunqueira, en Viveiro, denuncian o estado do cruce entre Camiño Real, Ponte Vella, rúa dos Pelamios e Camiño do Campo da Festa, afectado polas obras que executan Augas de Galicia, Concello e Deputación
-
Co pregón de Oliver Escobar comezaron as festas de Xove
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
