Lugo, 23 de abril de 2018. O Pazo de San Marcos acollerá este xoves unha conferencia do ex seleccionador e adestrador de balonmán Juan de Dios Román, promovida polo Goberno da Deputación, así o avanzou o Deputado de Deportes, Pablo Rivera Capón. O coloquio, que terá lugar no salón de actos a partir das 19:30 horas con entrada totalmente de balde, leva por título O deporte como formación e valores e enmárcase nun ciclo de actividades en homenaxe a Juan de Dios Román, organizado pola Peña Atlética Lucense, en colaboración co CP Lucense e o Club Verxel Nutrición Deportiva.
Rivera Capón subliñou que “é un auténtico privilexio acoller na nosa provincia a unha personalidade da talla de Juan de Dios Román, un referente do mundo do deporte, e especificamente do balonmano nacional. Gustaríame convidar a todos os lucenses a que se acheguen a gozar dos seus coñecementos e experiencias, pois trátase dunha oportunidade única para escoitar a un medallista olímpico e europeo. O balonmán conta cunha forte tradición na provincia de Lugo e con este tipo de iniciativas queremos darlle un novo pulo para que volva ter a importancia de antano e, ao mesmo tempo, achegalo aos máis cativos da provincia”.
Os actos comezarán mañá coa charla A nutrición no deporte, a partir das 20:00 horas no Seminario de Lugo. Participarán Bernardino Lombao, Santiago Carro Valero, José María Fernández Santiago e José Carro Otero. O mércores, ás 19:30 horas, celebrarase o segundo coloquio O papel da prensa como transmisor de valores, no Gran Hotel de Lugo, coa participación de xornalistas deportivos. O xoves terá lugar o acto central coa conferencia de Juan de Dios Román no Pazo de San Marcos, ás 19:30 horas. Estará acompañado na mesa por Cecilio Alonso, Pablo Permuy e Bernardino Lombao. Finalmente, o venres ás 20:00 horas, o Vello Cárcere acollerá a derradeira conferencia A muller no deporte, na que participarán Cecilia Vázquez Suárez, Montse Miguez Tello, Karina Pasarín Mon, Arancha Mallou e Hilda Rodríguez.
5 medallas olímpicas e europeas
Juan de Dios Román (Mérida, 1942) é un dos adestradores máis laureados do mundo do balonmán. Durante a súa etapa como adestrador, conseguiu dúas medallas de prata nos Campionatos Europeos de España (1996) e Italia (1998); así como tres bronces no Europeo de Croacia (2000) e nos Xogos Olímpicos de Atlanta (1996) e Sydney (2000). A nivel de clubs, destaca a súa traxectoria no Atlético de Madrid, co que conquistou catro títulos de Copa do Rei. Tamén como adestrador do BM Ciudad Real logrou numerosos títulos, deixando unha gran pegada. A isto súmanse as medallas conquistadas polos diferentes combinados durante a súa etapa á fronte da Real Federación Española de Balonmán entre 2008 e 2013.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
