Ribadeo, 25 de abril de 2018. Apaga (Asociación de Profesores de Automoción de Galicia) organiza unha nova fin de semana tecnolóxica o vindeiro sábado, día 28. Será nas instalacións do hotel O Cabazo en horario de mañá e tarde. Álvaro Doural anuncia que Apaga realizará en maio unha enquisa entre as empresas do sector para coñecer as súas necesidades en materia de formación para os seus traballadores.
O presidente de Apaga, Álvaro Doural, dixo que “continuando coas fins de semana tecnolóxicas, o próximo día 28, sábado, teremos un curso de oito horas de pequenas comprobacións de utilización de equipos de diagnose. Todo ese tipo de comprobacións que se poden facer nun vehículo para realizar a súa diagnose e despois a reparación oportuna”.
Doural salientou que “estes cursos están tendo unha gran afluencia, especialmente do sector de empresas, xente de talleres que ademais ven de lonxe. Hai algunha xente neste curso que ven de Oviedo, Xixón, Avilés, e outra que ven de Coruña. Está collendo bastante forza todo o tema dos cursos pola gran necesidade que hai de formación debido aos cambios tecnolóxicos que está habendo nos vehículos continuamente”.
O presidente de Apaga sinalou que “o curso deste sábado é para 15 persoas e vaise desenvolver en horario mañá e tarde, nas instalacións do hotel O Cabazo de Ribadeo. Para o próximo mes hai programados outros cursos que se van anunciar no seu momento”.
Doural declarou que “o departamento de Formación da asociación vai ter unha reestruturación importante e dándolle a forza que é necesaria. Ata este momento as fins de semana tecnolóxicas foron unha proba de cómo podía funcionar isto, pero a experiencia deste ano é que a nosa idea que era de facer un curso cada mes está cumpríndose amplamente. Hai meses que se fan dous e tres cursos. A idea é potenciar ao máximo todo o tema de formación. É importante dar un servizo ao sector empresarial, ao que é a formación continua dos traballadores en activo”.
O presidente de Apaga manifestou que “se vai facer un estudo o mes de maio, das necesidades. Vanse visitar as empresas e os talleres e vaise valorar mediante unha pequena enquisa as súas necesidades. Despois imos mirar de deseñar unha serie de cursos que respondan ás necesidades desta xente que está traballando. Penso que é unha obrigación nosa, como asociación sen ánimo de lucro, potenciar a formación profesional”.
Prácticas de alumnos
Apaga continúa desenvolvendo o proxecto Impulso a Empleabilidad coa mobilidade de 20 alumnos de grado medio de electromecánica de vehículos e carrocería da familia profesional de Transportes e Mantemento de Vehículos.
Álvaro Doural lembrou que “nesta ocasión dous alumnos do CIFP Ferrolterra, de Ferrol, 2 alumnos do CIFP Profesor Raúl Vázquez, de Madrid, realizan en abril prácticas na empresa de Pontevico (Italia) Carrocería Multicar. Tamén durante o mes de abril 4 alumnos do IES Val do Asma, de Chantada, fan prácticas en Brescia. Estas estarán coordinadas polo centro dos alumnos que estiveron en Ribadeo hai uns meses. E tamén en abril 4 alumnos do IES Miguel de Cervantes, de Murcia, están a facer prácticas en Lisboa no Concesionario Ford”.
Ademais en maio 4 alumnos do CIFP Virgen del Camino, de Pamplona, realizarán practicas na empresa BMW de Zagreb e xa pa rematar o proxecto outros catro alumnos do IES Miguel de Cervantes, de Murcia, farán tamén practicas en Brescia, Italia.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
