O Xove gañou na casa ao Celtas (foto: Miguel Fraga)
O vindeiro encontro do Celtas é co Peleteiro (foto:Miguel Fraga)
XOVE (M.F.O.) – Os dous equipos, Xove e Celtas-Primera Calidad , afrontaban o encontro con distintas motivacións e co único obxectivo de abandonar os últimos postos da clasificación. O C. B. Xove chegaba ao partido coa moral moi alta tras gañar na pista do segundo clasificado e o Celtas-Primera Calidad fundido no ultimo posto con solo unha vitoria no seu haber e tras perder na casa.
O partido xa se decidiu no primeiro cuarto no que os locais con unha espectacular defensa e un gran porcentaxe de tiro lograron un parcial de 28 puntos por so 8 do Celtas. Os segundos dez minutos os visitantes con unha defensa en zona melloraron notablemente aínda que so puideron recortar un punto ( 42-23 ). Tras o descanso os xovenses sentenciaron definitivamente o partido marchándose a unha diferencia de 30 puntos. O último cuarto foi un mero tramite para deixar o definitivo marcador en 80 puntos a 53.
Polo C. B. Xove xogaron: Juanma(12),Andrés(22), Juan María(22), Fernando(8), Alcalde(5) – Javi(3), Piñón(2), Álvaro(6), Ángel e José David.
Polo Celtas-Primera Calidad xogaron: Manolo(6), Miguel(4), Diego(3), Sama(19),Paco(13) – Eduardo(3), Aarón(5), Manuel, Humberto e Brais.
Tras esta vitoria o Xove, que sae da penúltima posición, visitará a pista do Forjasa Rosalía que leva o mesmo numero de vitorias que os mariñáns.
Pola súa banda o Celtas fúndese se cabe aínda mais no último posto para recibir na próxima xornada ao segundo clasificado, o Peleteiro.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
