Lugo, 3 de maio de 2018. O Presidente, Darío Campos Conde, a Alcaldesa de Viveiro, María Loureiro García, e o Director e a Xefa de Persoal do Resurrection Fest, Iván Méndez e Iria Quelle, presentaron este xoves, no salón de actos do Pazo de San Marcos, a XIII edición do festival de música metal e rock máis importante de España. Terá lugar do 11 ao 14 de xullo no municipio mariñán, co apoio principal da Deputación e do Concello de Viveiro.
O Goberno Provincial converte á Deputación na institución que máis colabora co Resurrection Fest cunha achega de 130.000 euros. Pola súa parte, o Concello de Viveiro cede os terreos para a organización do festival e pon a disposición dos usuarios o cámping gratuíto en Covas (con servizos de baños, duchas e buses) e o Mirador de San Roque (que tamén conta cunha gran zona de aparcamento). Os organizadores conseguiron unha subvención de 50.000 euros de AGADIC, axencia pública adscrita á Consellería de Cultura, tras participaran nun proceso de concorrencia competitiva e presentar este grande proxecto, avalado dende sempre por Concello e Deputación de Lugo para facer posible a súa celebración.
Neste senso, o Presidente destacou que “dende o Executivo Provincial case triplicamos a nosa colaboración en comparación coa Xunta de Galicia, aínda sendo esta última a que ten competencias directas en Cultura, e cando a administración autonómica ten 100 veces máis de presuposto. E o facemos porque consideramos que esta achega non é un gasto, senón un investimento para toda a provincia”. A Alcaldesa engadiu que “os inicios deste festival, 100% viveirense, que vai medrando ano a ano, foron moi complicados. Gustaríame lembrar a Melchor Roel porque el foi o pioneiro e o que soubo ver a grande proxección do Resu, que outros non quixeron apoiar e incluso criticaron, aqueles que hoxe se quitan fotos co festival porque agora é un referente. Pero non o apoiaron para que xurdise, nin nos seus inicios. En cambio, a Deputación desde as orixes sempre estivo aí, ao carón do Concello de Viveiro, para poder levar a cabo este grande festival”.
85.000 espectadores, 2.000 empregos e 13 millóns en beneficios
Segundo as previsións que manexa a organización, o festival reunirá a máis de 85.000 espectadores, procedentes de 30 países, xerando un volume de negocio para a provincia duns 13 millóns de euros e máis de 2.000 empregos directos e indirectos. Hoxe en día, xa colga o cartel de ocupación hoteleira ao 100% na zona, polo que os visitantes acoden aos establecementos de municipios limítrofes. O Concello pon á disposición dos usuarios o cámping gratuíto en Covas (con servizos de baños, duchas e buses) e o Mirador de San Roque (que tamén conta cunha gran zona de aparcamento). A organización ten máis propostas: Beachcamp: unha zona de acampada á beira da praia de Area; o Resucamp: cámping a escasos metros da entrada ao festival, a praia de Celeiro, e a Área Cámping: con todas as necesidades cubertas
Agradecemento a hostaleiros e veciños, en especial aos de Celeiro
Loureiro García agradeceu “a todos os veciños e hostaleiros do municipio e da Mariña a súa implicación durante toda a semana. En especial, quero dar as grazas aos veciños de Celeiro pois, durante uns días, ven afectado o seu día a día polo lugar de celebración do Resu, a carón dos seus fogares ou establecementos. Todo Viveiro prioriza a celebración deste grande festival porque é unha publicidade impagable para o noso Concello”.
Lendas da música no festival máis ambicioso
Iván Méndez subliñou que “é un cartel máis variado que tivemos nunca, para todos os públicos e gustos, e no que poderemos ver sobre os escenarios máis lendas da música: Tom Morello de Rage Against The Machine, Gene Simmons e Paul Stanley de KISS, Corey Taylor de Stone Sour e Slipknot, Klaus Meine e Rudolph Schenker de Scorpions, Dave Mustaine de Megadeth, Papa Emeritus de Ghost, B-Real e Sen Dog de Cypress Hill, Ao Jourgensen de Ministry, Jello Biafra de Dead Kennedys… e moitos máis. Sen dúbida, a edición máis ambiciosa e que pasará á historia”.
O cartel contará coa participación da banda estadounidense de rock KISS, o grupo norteamericano con maior número de Discos de Ouro logrados e que segundo a organización “teñen o espectáculo de rock, son, luz e pirotecnia máis grande do mundo”. Como en anteriores edicións, haberá 4 escenarios temáticos e 100 bandas no festival de música rock, que xa é unha referencia mundial. Tamén soarán outras bandas de referencia como Scorpions, Prophets of Rage, Ghost, ou Megadeth.
Un dos festivais máis potentes de España
O Resu gañou o Premio Fest 2016 na categoría ao mellor formato grande a nivel nacional. Este galardón é o único que existe en España dedicado aos festivais de música. Ademais, este ano foi premiado con 4 distincións nos Iberian Festival Award, incluíndo mellor festival de gran formato de toda a península e opta ao Premio Martín Codax da Música como mellor festival de Galicia.
Entradas
Iván Méndez destacou que xa venderon o 80% dos abonos dos 3 días de festival. Os interesados en mercar as entradas para o Resurrection Fest poden facelo a través da www.resurrectionfest.es, así como en todas as oficinas de Correos de España.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
