Lugo, 11 de maio de 2018. O Presidente da Deputación, Darío Campos Conde, a Alcaldesa de Viveiro, María Loureiro García, o editor Manuel López Martínez de Gráficas Lar, e o autor Paco R. Salgueiro, presentaron este venres na Casa Escola desta parroquia “Galdo, o que queda na memoria”, unha publicación coa que colabora o Goberno da Deputación.
No acto tamén estiveron presentes o Alcalde de Burela e Presidente da Mancomunidade da Mariña Lucense, Alfredo Llano García, así como membros da corporación municipal, ademais do Presidente da Asociación de Veciños do Camiño de Galdo, Francisco Rivera. O Presidente dixo que “a parroquia de Galdo vive un momento histórico. Hoxe preséntase unha edición coa recompilación de gran parte da súa historia. Pero o que é mais importante, un libro que pon cara, cor e calor con nomes, apelidos e alcumes dos seus protagonistas”.
Campos Conde avanzou que “esta edición é un exercizo exemplar de mantemento do sentir colectivo, que é o xustamente o que nos fai falta a todos nestes momentos difíciles, unirnos para poder saír adiante”.
“Quero felicitar ao autor Paco Salgueiro, a gráficas LAR, que fixo un traballo precioso coa publicación deste edición, a Alcaldesa de Viveiro, María Loureiro, por apoiar iniciativas destas características, e a todos e cada un dos veciños de Galdo que son os verdadeiros protagonistas desta historia, ou mellor dito da súa historia”, sinalou.
Pola súa banda, a Alcaldesa de Viveiro, María Loureiro, explicou “para min como Alcaldesa é un orgullo presentar esta obra de Paco Salgueiro, que é un testemuño documental imprescindible de como manter a memoria, e de como coñecer a identidade dos nosos lugares e as parroquias. Non se trata só relatar cantas tabernas existían en Galdo, senón de narrar e explicar como se vivía naqueles tempos, e quenes eran os protagonistas da nosa historia”, resumiu.
Debate
Trala presentación da obra, a Casa Escola de Galgo, acolleu unha mesa de debate na que interviron a Alcaldesa de Viveiro, María Loureiro García, o autor, Francisco R. Salgueiro, e o Fundador de Gráficas Lar, Manuel López Martínez. Ao remate do acto entregáronse a todos os asistentes un exemplar da obra de xeito gratuíto.
O autor e a obra
Paco Rodríguez Salgueiro, xubilado de Alcoa, naceu na parroquia Galdo, mediante esta publicación quixo homenaxear a terra e aos veciños que viron nacer e crecer. Salgueiro taballou durante un ano de investigación, a través de “moitas conversas” por toda a parroquia, para acadar este libro, editado por Gráficas Lar. A obra centrase ata 36 profesións que se puideron contabilizar en Galdo, todas personalizadas con nomes e fotografías que gardan a historia de cada familia, e ao mesmo tempo a historia viva do lugar.
“Galdo, o que queda na memoria”, tamén recolle nomes de persoeiros relevantes de Galdo, como os irmáns Cal Pardo, a palista Teresa Albo, Jose sierra, fundador de Urovesa, ou incluso outro nomes históricos como Pardo de Cela, que tivo fixada a súa residencia na Casa do Carballo, cando foi Alcalde de Viveiro, ou os maquis como Francisco Insua e José Balea.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
