O Valadouro 12-5-18. Desde a última semana do mes de marzo contamos, na sala de exposicións da casa da cultura do concello de O Valadouro, cunha exposición de varios cadros feitos baixo a técnica do acrílico do autor valadourés Pepe Blanco e á que se achegaron numerosos veciños e visitantes. Dito traballo, estará exposto durante a vindeira semana para que se acheguen ainda quen ata o de alí non se achegara.
Deste xeito, desde a concellería de cultura liderada polo nacionalista Eduardo Chao, organízase unha semana plagada de actos para homexear á autora galega María Victoria Moreno e a diversidade cultural.
A primeira cita terá lugar o mércores 16 onde os nenos do Ceip Santa María do Valadouro van a leer o conto viaxeiro realizado por eles para dar paso ó espectáculo de “A VIAXE DA PALABRA QUE NON ERA VALENTE” co grupo de Silvia Penedo e César de Centi. Poderase disfrutar desta actividade a partires das 14:30h. no salón de actos da Casa da Cultura do Concello de O Valadouro.
O xoves, día grande das Letras Galegas, a partir das 12:30h os grupos de cantareiras pequenas e medianas da asociación cultural Amado Lar O Valadouro interpretarán cantigas populares e tamén lerán contos da autora homenaxeada, namentras que os datos biográficos e da obra da autora correrán a cargo de Lionel Rexes.
Xa pola tarde, ás 20:00h. a compañía teatral Bandullo Azul representará un dos contos da autora: MAR ADIANTE con temática de índole familiar.
O venres, para dar comezo ós actos de diversidade cultural, ás 19:00h. no pavillón polideportivo municipal de O Valadouro, o clube de escola de ximnasia deportiva Porta Norte de Burela realizará unha exhibición de Ximnasia Rítmica.
De seguido, o venres, ás 21:00h. proxectarase a primeira longametraxe de stop motion realizada en Galiza: O APÓSTOLO e ó día seguinte, o sábado 19 rematará coa proxección do Filme de Ignacio Villar: PRADOLONGO.
Todas estas actividades están organizadas pola concellería de cultura do concello de O Valadouro e englobada dentro do programa de promoción e divulgación cultural no plan único da Deputación de Lugo.
Todas estas actividades son, de costume, de balde.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
