Burela 12-5-18. O Pescados Rubén retomou a liga con forza, cunha vitoria letal na visita do Leganés Masdeporte a Vista Alegre (8-3). Tras un gol meteórico nos compases iniciais e vantaxe de 3-1 ao descanso, as laranxas ampliaron a fenda no segundo acto, de novo cun comezo irresistible.
Entrou en tromba o conxunto da Mariña, con diana de Julia Forsiuk aos 19 segundos de xogo. Intentouno Cilene, de falta, pouco despois. O Leganés, non se apoucou; na súa primeira chegada á rede de Ana Romero, no minuto 4, o largueiro evitou o empate caendo sobre a liña de meta, en tentativa de Bea Torija. Tras dobre tentativa de Puche, coa meta laranxa e Tai como obstáculo, no 7, Sandra sacou un pé prodixioso para frear a Lara tan só un minuto despois, asistida por Tai. O Leganés conseguiu a igualada cun rexeite de Ampi ante Ana Romero no 9. Aínda celebraban as madrileñas o empate, cando reapareceu a avalancha de Pescados Rubén, que en 33 segundos ampliou a vantaxe con Bea Mateos, moi atenta para cazar o lanzamento de Dany que pegou no pau, e Cilene. Volveu o partido á calma, seguindo o control local, con axexo constante. Nos últimos compases do primeiro período, Tai estivo a piques de subir o cuarto burelista, en diagonal de Julia Forsiuk.
As de Julio Delgado e Lucas volveron á carga tras o descanso. De novo antes de cumprirse o primeiro minuto, o ataque letal burelista atopou recompensa, con Bea Mateos, e case sen tempo de reacción nas filas visitantes, a maxia da pichichi laranxa, de Cilene, subiu o quinto. Leganés respondeu con porteira-xogadora ante a asfixiante presión das mariñás. Jenny ampliou o festival de goles no 27, cun mísil desde fóra da área, con toque de Judith, no 31, ao segundo pau nunha gran combinación. No 34, repetición do guión. Á fenda atopada por Lucía ante Jozi para o 7-2, respondeu Pescadso Rubén sen contemplacións, co oitavo, nun man a man de Jenny fronte Sandra. Leganés, nun gran sobreesforzo e sufrindo, non baixou os brazos e atopou de novo diana coa xuvenil Lucía, co definitivo (8-3) aínda que as locais aínda dispuxeron de perigosas ocasións a porta baleira.
Ficha técnica
Pescados Ruben Burela FS: Ana Romero, Cilene, Jenny, Bea Mateos, Julia Forsiuk, cinco inicial; tamén xogaron Dany, Tai, Lara, Sara Correia, Judith, Cris, Jozi
Leganés Masdeporte: Sandra, Patri Montilla, Laura Uña, Mali, Bea Torija, cinco inicial; tamén xogaron Saki, Puche, Ampi, Lucía
Goles: 1-0, minuto 1, Julia Forsiuk; 1-1, minuto 9, Ampi; 2-1, minuto 10, Bea Mateos; 3-1, minuto 10, Cilene; 4-1, minuto 21, Bea Mateos; 5-1, minuto 22, Cilene; 6-1, minuto 27, Jenny; 7-1, minuto 31, Judith; 7-2, minuto 3, Lucía; 8-2, minuto 34, Jenny; 8-3, minuto 36, Lucía
Árbitros: Cueto Rodríguez // Vanegas Betancourt (Asturias). Por Leganés amarela a Patri Montilla.
Incidencias: Partido correspondente á xornada 27 de Primeira División disputado en Vista Alegre ante unhas 600 persoas. A Bomboneira rendeu homenaxe ao equipo cadete burelista, polo título de campión de Liga Autonómica Galega Grupo Norte.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
