Burela, 8 de xuño de 2018. O alcalde, Alfredo Llano, estará o vindeiro domingo en Silleda para participar na degustación de bonito que se ofrecerá en Festur a partir das 13:00 horas. O rexedor burelés viaxará, tamén na tarde do domingo, a Fonsagrada para asistir ao partido de fútbol da Copa Deputación que disputarán o Burela e o Fonsagrada.
Alfredo Llano contou que “o domingo, día 10, voume achegar ata Silleda porque temos alí unha representación do Concello de Burela coas nosas posibilidades e ofertas turísticas”.
O alcalde considera que “é un evento moi visitado porque é a Semana Verde de Silleda. Penso que está garantido que moita xente pase polo noso stand, que está no pavillón número 2. Xa foi inaugurado onte, e alí estivo o noso concelleiro de Turismo, Ramiro Fernández Rey”.
Llano engadiu que “o domingo me achegarei ata alí para facer a promoción do noso produto de Burela, que é o bonito. Faremos unha degustación de bonito en empanada e asado, para que a xente que estea por alí poida probalo, que coñeza como tratamos aquí o bonito e como se pesca, e facer a promoción de como o pescan os nosos barcos e vexan a diferenza clara tanto de sabor como na calidade do produto. Estaremos alí á unha da tarde, e faremos esa degustación. Esperemos que vaia todo moi ben e se hai alguén por alí de Burela estaremos encantados de que sexan testemuña do que se fai”.
O alcalde burelés sinalou que “tamén este domingo, ás sete da tarde, temos, algo que a min me afecta especialmente, na Copa Deputación se vai celebrar o partido de fútbol entre o Burela e o Fonsagrada. Irei, invitado polos dous equipos, a ver ese partido. Esperemos que gañe o mellor. É unha satisfacción que ambos equipos nos inviten para ir ver ese encontro que creo que vai ser moi interesante e moi vistoso”.
O Alcalde participará este domingo en Festur, en Silleda, nunha degustación de bonito. Alfredo Llano asistirá ese día ao partido da Copa Deputación entre o Fonsagrada e o Burela
Relacionado
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
