Viveiro 19-6-18. O acto de inaugruación terá lugar este xoves, 21 de Xuño ás 20 horas na Sala de Exposicións de RegalXunqueira en Viveiro, e poderase visitar ata o 14 de Xullo
Lucía Rivas
Con orixes familiares en Gondrás (en Cervo) e Moucide (no Valadouro), Lucía Rivas naceu en Burela en 1986. Realizou formación académica no Colexio Virxe do Carme e nos Institutos Perdouro e Monte Castelo. Na fotografía comezou de xeito autodidacta, por vocación. Posteriormente asistiu a obradoiros teórico-prácticos, estimulada por premios e mencións conseguidos en diversos concursos así como pola reprodución das súas fotografías a través da Televisión de Galicia.
Nesta exposición, dará a coñecer parte da sua ampla obra fotográfica.
Ademais da fotografía de eventos, Lucía Rivas ten un extenso arquivo de imaxes dotadas de vida, coa natureza como elemento central. En calidade de Fotógrafa Oficial do programa radiofónico Proxecto Neo, emitido todos os mércores en Radio Burela, recibiu o premio “O Galego na Onda” en 2015.
De Proxecto Neo para o mundo (de Radio Burela)
“Pode semellar un paradoxo, mais para presentarvos a fotógrafa Lucía Rivas imos comezar falando de radio. Un medio no que a imaxe, por definición, adoita estar completamente ausente. Mais este non é o caso no programa Proxecto Neo, o espazo da integración e a convivencia intercultural de Radio Burela. Un dos rasgos que distinguen este programa da grande maioría é que case desde os seus inicios, alá polo 2012, Proxecto Neo ten fotógrafa oficial como parte do equipo, e isto conecta directamente co propio concepto da iniciativa.
Lucía Rivas naceu cunha discapacidade auditiva que, aínda non sendo total, dificultoulle enormemente desde a infancia a súa fluidez comunicativa oral e escrita e o seu desenvolvemento académico, condenándoa durante longo tempo ao fracaso escolar debido á falta de atención especializada para casos non estándar como o dela. Mais por causa disto, Lucía aprendeu desde ben pequena a derrubar barreiras e a sobrepoñerse ás dificultades, converténdose nun exemplo de superación persoal, vitalidade e talento.
Chegou a Proxecto Neo como espectadora da realización do programa, e por pura casualidade, viuse facendo fotografías no estudio ao non poder ocuparse diso a encargada habitual das mesmas. Aí descubrimos un talento inmenso detrás da cámara.
O equipo humano foi renovándose a través dos anos que Proxecto Neo leva en antena; Lucía mantense. Ademais de facer as fotos a colaboradores e convidados no estudio, e subilas á páxina de Facebook dedicada ao apartado gráfico do programa (Proxecto Neo en Fotos), Lucía desenvolve a súa actividade fotográfica alén da emisora captando instantáneas da nosa contorna e inmortalizando actos culturais, chegando a acadar premios ou quedar finalista en diferentes edicións certames como o Imaxiña. Tamén ten feito varias exposicións do seu traballo en Burela, en locais comerciais e na Casa da Cultura. En 2015 foi gañadora xunto co resto da Masa Coral Modelo Burela do premio “O Galego na Onda” organizado pola Secretaría Xeral de Política Lingüística.
Nesta exposición poderedes disfrutar do enorme talento gráfico de Lucía, que con todo non fixo máis que comezar. Quédalle moita traxectoria por diante, a través da que se fará aínda moito máis grande, mais nós, desde Proxecto Neo, sempre teremos o orgullo de a ter descuberto para o mundo. “
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
