Ribadeo, 29 de xuño de 2018. O empresario Gervasio Cao e o enólogo Roberto Regal presentaron onte á noite os dous viños de Fumarel elaborados na Ribeira Sacra. A degustación, que se celebrou na propia vinoteca ribadense con numerosa presenza de público, estivo acompañada con embutidos de porco celta de Cárnicas Teijeiro, de Sarria.
Os dous viños creados por iniciativa de Gervasio Cao son tintos Súmmum Ribeira Sacra. Un deles, chamado Fumarel Croa, foi elaborado con uva da variedade Mencía ao 100%, producíronse 1.600 botellas e foi embotellado no pasado mes de abril. O outro, denominado Fumarel Penadoso, fíxose con uvas das variedades Mencía e Brancellao, a produción é de 300 botellas e foi embotellado neste mes de xuño.
Gervasio Cao explicou que “isto naceu o ano pasado nestas datas, foi algo moi acelerado pero que eu realmente tiña moitas ganas de facer, de ter viño propio, que tiña que ser viño da terra, e ademais neste caso de Lugo, da ribeira do Miño, concretamente en Taboada. A outra pata do proxecto é Roberto Regal, enólogo e persoa a que coñecín por estas datas o ano pasado e tardamos menos dunha semana en volver ter un encontro para poñer a andar esta especie de loucura, que espero que teña éxito e guste”.
E o enólogo Roberto Regal engadiu que “Fumarel ten dúas creacións, de dúas viñas diferentes: Croa e Penadoso. Son dous viños de dúas fincas exclusivas, das que se encarga Gervasio Cao para crear con nós estes viños. É o noso proxecto e é a cohesión con Fumarel, con xente que ten sensibilidade non só polo xenuíno e polo persoal senón tamén observei no Fumarel, a través de Gervasio, a sensibilidade que hai por algo moi importante que é básico no proxecto Enonatur. O primeiro que buscamos é a preservación do medio ambiente. Estes viños están feitos de xeito ecolóxico, sen herbicidas, sen abonos químicos e sen sulfatos sistémicos. É moi importante no proxecto Enonatur viños como os do Fumarel porque xeran dinamismo económico nunha zona desfavorecida, como é o sur lucense. Tamén neste proxecto é básico dignificar ao agricultor, e neste caso ao viticultor. Nós traballamos desde hai dez anos con viticultores profesionais e con sensibilidade, que tratan ás cepas con cariño para poder transmitirllo ao viño. Por iso a min gustaríame destacar a sensibilidade que tivo Gervasio e que ten Fumarel con este proxecto”.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
