Mondoñedo, 3 de xullo de 2018.- O Concello de Mondoñedo subvenciona a implantación de actividade económica no parque empresarial ata o 21 de xullo. Así, o Executivo deseñou unha nova liña de subvencións en materia de fomento da implantación empresarial co obxectivo de apoiar a dinamización económica do municipio e o impulso das actividades empresariais.
Parcelas ofertadas en dereito de superficie
A maiores, Suelo Empresarial del Atlántico vén de publicar unhas bases polas que se rexerá a adxudicación de concesión de dereito de superficie con opción de compra en seis das parcelas da súa propiedade no parque empresarial de Mondoñedo. A data límite para presentar ofertas é o 14 de setembro.
O prazo de vixencia do dereito de superficie é de 30 anos, despois reverterán de novo en Suelo Empresarial del Atlántico. Concédeselle ao superficiario un dereito de opción de compra gratuíto sobre a parcela durante os 5 primeiros anos, podendo prorrogarse durante outros cinco e descontarase o 40% das contías satisfeitas en concepto de canon.
Bases: http://www.seasuelo.com/imagenes/files/PLIEGO%20MONDO%20SUPERF%20MAYO%2018.pdf
Rexeneración do actual tecido produtivo
Tal e como explica a rexedora, Elena Candia, o Concello de Mondoñedo ten como obxectivo a rexeneración do actual tecido produtivo, así como a colaboración na consolidación de actividades existentes e posta en marcha doutras novas que dean resposta ás necesidades da sociedade actual e que resulten competitivas no marco económico existente. En particular, precisa, “para este Concello resulta prioritario o fomento do mantemento e consolidación das actividades existentes e a captación de novas iniciativas empresarias que se apoien para o desenvolvemento da súa actividade en recursos endóxenos do municipio”.
As bases reguladoras de subvencións para o fomento da implantación empresarial no parque empresarial de Mondoñedo fixan ata o 21 de xullo o prazo para solicitar as axudas en réxime de concorrencia non competitiva. Trátase de axudas de carácter plurianual a diferentes sectores do ámbito empresarial local que teñen por finalidade fomentar o mantemento e consolidación de actividades empresariais existentes e a creación de novas empresas ou negocios.
Requisitos para ser beneficiarios
Poderán solicitar estas axudas as micro, pequenas ou medianas empresas que desenvolvan unha actividade con ou sen ánimo de lucro que manteña e xere emprego, que adquira solo nas condicións sinaladas nas bases e que as obras de edificación na parcela comecen nun prazo máximo de seis meses a contar desde a data de outorgamento da licenza de obras.
As subvencións outorgaranse para o ano 2018 e 2019. O importe máximo da subvención acadará a contía de 25.500 euros por cada proxecto empresarial. Para o ano 2018 está prevista unha consignación de 14.000 euros, as contías restantes faranse efectivas con cargo ao exercicio orzamentario de 2019.
A axuda concedida será compatible con outras axudas ou subvencións calquera que sexa a súa natureza e a entidade que as conceda. Esta compatibilidade non é aplicable no suposto de que a empresa recibira subvención do Concello de Mondoñedo polo mesmo obxecto na presente convocatoria.
Lugar e prazo de presentación das solicitudes
Poderán presentarse as solicitudes ata o día 21 de xullo no Rexistro Xeral do Concello de Mondoñedo en horario de 09:00 a 14:00 de luns a venres. Tamén se admitirá a súa presentación por calquera dos medios establecidos no artigo 16 da Lei 39/2015, de 1 de outubro, do Procedemento Administrativo Común das Administracións Públicas.
Parcelas a disposición
Suelo Empresarial del Atlántico pon a disposición parcelas que van desde os 959,90 metros cadrados ata os 2111,90 metros cadrados. Seis delas poderán ser adxudicadas a través dunha concesión de dereito de superficie.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
