Lugo, 10 de xullo de 2018. A Deputada de Cultura, Pilar García Porto, inaugurou este martes a exposición “Hai mulleres”, do artista mariñán Otero Regal que estará aberta ata o 26 de agosto na Capela de Santa María. No acto, estivo acompañado pola Subdelegada do Goberno, Isabel Rodríguez; e as Concelleiras de Cultura de Lugo e Viveiro, Carmen Basadre Vázquez e Lara Fernández Fernández-Noriega, ademais de Otero Regal.
Garcia Porto dixo que “esta exposición é unha verdadeira homenaxe merecida á muller, a todas as mulleres que foron e serán, na que Otero Regal reivindica por riba de todo o seu profundo feminismo. Esta mostra, que se exhibe por 1º vez, está composta por 52 pezas, nas que se mestura poesía, prosa, plástica e escultura. Este proxecto conta, ademais, coa colaboración de 33 autores que realizaron escritos sobre as mulleres, acompañados por unha peza do artista mariñán”.
Otero Regal reivindica con este novo traballo o seu profundo feminismo. “Eu son feminista por encima de todo”, confesa o artista. “E fixen este traballo como unha homenaxe a todas as mulleres”. Ademais, agradeceu a colaboración da Deputación pola cesión do espazo, e anunciou que despois será exposta en Madrid e Barcelona. Durante a presentación, dous artistas que participan na mostra, Isabel Flors Aparicio e Paco Rivas, leron os seus poemas.
Proxecto: Hai mulleres
Esta exposición, que pode verse ata o 26 de agosto, é un traballo colectivo de poetas, literatos e xornalistas tanto casteláns como galegos, aos que o autor pediu un relato relacionado co nome dunha muller, e en cada un destes textos, o artista aporta unha obra, ben sexa un cadro ou unha escultura.
Artistas que participan
32 autores colaboran neste proxecto de fusión e cheo de creatividade que iniciou Otero Regal. Son os seguintes; Xoan Neira, Javier Rivera, Jaime Oroza, Renata Otero, J.J., Paco Rivas, Manolo Romero Mancha, Carlos Clementson Cerezo, Santiago Lafuente Flors, Virginia Araya, Susana Obrero, María Luz Escuín, Tirsa Caja, Carlos Boves, Pedro García Cueto, José Luis Morales, Matías Muñoz Borja, Juan Pedro Carrasco García, Graciela Pelegrín, Ezequías Blanco, Isabel Flors Aparicio, Elsa López, Luis Alberto de Cuenca, Javier Lostalé, Cristobal López de la Manzanara, Pepe Viyuela Castillo, Pablo Mosquera, X. Lombardero, Vicente Míguez, Alfonso Otero Regal, Manuel Cortijo Rodríguez e Alicia Muñiz.
Alfonso Otero Regal
Alfonso Otero Regal, (Nois-Foz,1952). En 2011 obtivo o Premio Nacional de Promoción da Artesanía. Estudou pintura con Puchades en Mondoñedo, na Escola Massana (Barcelona) e no Seminario de Estudos Cerámicos en Sargadelos. Tamén realizou un curso con Cumellas en Barcelona. Traballou no seu propio taller de cerámica utilitaria, na “Regal-Cerámicas” en Viveiro (Lugo), onde segue na actualidade. Ademais foi profesor de Cerámica en talleres e obradoiros, e profesor e promotor dun centro de formación para mozas. Tamén realizou murais cerámicos para numerosos estamentos públicos e privados, e ten obras en museos, fundacións e coleccións privadas de España, Europa, Estados Unidos e Xapón.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
