Viveiro 11-7-18. A Alcaldesa de Viveiro, María Loureiro García, anunciou a posta en marcha dunha campaña para previr agresións sexistas no Resurrection Fest 2018, que desenvolverá o Concello coa colaboración da organización do festival.
A Alcaldesa explicou que “aínda que nas 12 edicións anteriores non houbo denuncias de mulleres por agresións sexuais, consideramos importante facer un traballo preventivo, por iso no Concello de Viveiro tomamos a iniciativa de deseñar un protocolo contra as agresións sexistas, traballamos nisto e este ano imos poñer un punto lila de atención no recinto do Festival, que estará situado nun sitio que se poida ver ben”.
Loureiro García destacou que “o obxectivo é que todas aquelas mulleres que se sintan agredidas ou simplemente incómodas saiban que contan con un punto de referencia ao que acudir, no que se lles pode axudar e dar as pautas do que teñen que facer, e a existencia deste punto lila tamén servirá para disuadir aos posibles agresores”.
Nesta campaña, distribuiranse uns dípticos informativos tanto no recinto do festival como nas zonas de acampada, pois os profesionais consideran que esa pode ser unha zona delicada, no momento no que acaban os concertos e o público marcha para as tendas de campaña.
Ademais, a Alcaldesa anunciou que se proxectará un vídeo protagonizado por diferentes personalidades, coñecidas tanto a nivel local como autonómico ou nacional, no que se difunden mensaxes moi claras de apoio á campaña Non é Non. Con esta iniciativa, Viveiro súmase a esta campaña porque, como detallou a Alcaldesa, “queremos concienciar a todo o mundo e que todas as mulleres que vaiamos ao festival poidamos divertirnos tranquilas e que non nos sintamos incómodas”.
O Concello de Viveiro fará campaña para previr agresións sexistas no Resurrection Fest
Relacionado
-
A Confederación Hidrográfica do Cantábrico executa labores de conservación no río dá Orrea en Riotorto
-
Arias felicita ao viveirense Óscar Rodríguez polos seus éxitos nos Campionatos Nacional e Mundial de oratoria
-
20.000 premios directos no Rasca e Gaña da Asociación de comerciantes do Centro Histórico de Viveiro
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
