Foz, 11 de xullo de 2018. A sala Queralt do centro de interpretación da Basílica de San Martiño acolleu esta tarde a presentación da tarta denominada a Zapata do Milagre de San Gonzalo, unha creación de pastelería Anduriña, que se porá á venda mañá tanto neste establecemento como no propio museo.
Na súa intervención o alcalde de Foz, Javier Castiñeira, dixo que “se trata dunha idea interesante para promocionar o noso pobo por toda España a través da gastronomía e deste doce”. O rexedor destacou “o carácter emprendedor dos propietarios de pastelería Anduriña, Moncho e Mari, e a súa disposición a colaborar coas asociacións e colectivos do noso pobo” e amosoulles “o máximo apoio desde o Concello de Foz”. Castiñeira fixo alusión ás máis de 25.000 visitas anuais que recibe a Basílica de San Martiño, dixo que se trata dun conxunto histórico impresionante e subliñou que “isto está a funcionar moi ben”.
O presidente de ACIA/CCA de Foz, José Carlos Paleo, “felicitou a Moncho e Mari por esta iniciativa, por esta nova liña de negocio, que o que vai facer é poñer en valor o que temos: a gastronomía e a riqueza patrimonial e cultural de Foz”. E engadiu que “o dinamismo dun negocio amósase con novas ideas, novas propostas, como esta que hoxe nos presentan”. Paleo sinalou que “agora estamos facendo nesta Basílica de San Martiño diversos actos para tentar darlle un impulso a este museo”.
Ramón Castro e Mari Trigo, propietarios e pasteleiros de Anduriña, explicaron que “detrás desta creación hai moito traballo, moito cariño e moitas ilusións. Agardamos que esta tarta, a Zapata de San Gonzalo, viaxe por toda a xeografía española e si pode ser máis lonxe tamén”. O doce está elaborado con “hojaldre artesán, que é un dos nosos selos de identidade, con abelás, noces, pasas, piñóns, améndoas e cabelo. É unha tarta de froitos secos, que se conserva perfectamente durante 21 ou 22 días”.
O prezo de venda ao público será de 10 euros. Desde mañá, 12 de xullo, poderase atopar tanto en pastelería Anduriña como na Basílica de San Martiño. A tarta ademais acompáñase dunha tarxeta cun texto no que se explica a lenda da Fonte da Zapata, que brotou segundo a tradición por milagre de San Gonzalo, o Bispo Santo.
Medio cento de persoas arrouparon a Ramón Castro e Mari Trigo nesta presentación e puideron degustar a Zapata do Milagre de San Gonzalo.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
