MONDOÑEDO .- O GDR convocou unha xuntanza para o vindeiro martes, 9 de Febreiro, ás 7 da tarde, na Casa da Xuventude de Mondoñedo, na que empresas e grupo tratarán de elaborar un plano de difusión conxunto entre o sector empresarial.
O GDR da Mariña, entidade xestora do Programa Leader 2007-2013 na Comarca de A Mariña, vén de convocar a unha xuntanza a todas as empresas de asesoría, xestoría e consultoría da zona para lograr un maior achegamento ao sector empresarial das liñas de axuda ao abeiro deste programa.
Segundo explica a xerente do GDR, Ana Ermida, “ dende que este Programa botou a andar o que se está a tratar por todos os medios é que a información chegue a toda a poboación e, tendo en conta que grande parte das axudas van dirixidas a proxectos produtivos, é moi interesante que o sector empresarial da comarca saiba da existencia de tales axudas”.
Por esta razón é pola que o GDR convoca a estas empresas a unha xuntanza na que non só se explicarán o contido das axudas, senón que se deseñará un plan de difusión sectorial dirixido ao sector empresarial da comarca. “ As xestorías, asesorías e consultorías teñen unha relación directa co tecido empresarial, polo que son o medio ideal para transmitir esta información”.
Á súa vez, o que se pretende tamén é dinamizar o propio sector de consultoría da zona, xa que por medio da sinatura do Protocolo, o propio GDR comprométese a facilitar información sobre as empresas asinantes do protocolo aos posibles promotores de proxectos Leader. “ Deste xeito o que pretendemos é que as empresas da zona adicadas a esta actividade tamén se vexan beneficiadas pola existencia do Programa Leader”, sinalan dende o Grupo.
Igualmente, desde o GDR comprométense a asistir tecnicamente a aquelas empresas que elaboren proxectos para presentar solicitudes de axuda ao Programa Leader. “ Trátase de lograr a implicación de todos os sectores de zona para lograr un aproveitamento destes fondos e que se traduzan nun desenvolvemento real da zona”, asegura Ana Ermida.
Dende o GDR seguirase a traballar nesta liña facendo reunións sectoriais para acadar os obxectivos cos que se recollidos no Plan de Desenvolvemento Rural.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
