Mondoñedo, 30 de xullo de 2018.- O Concello de Mondoñedo e a Diocese de Mondoñedo-Ferrol celebrarán o vindeiro domingo día 9 de setembro o 80 aniversario da Ofrenda Diocesana á Virxe dos Remedios no marco das festas que honran á patroa da Diocese e que se prolongarán desde o venres día 7 ao luns día 10.
Este ano ademais de celebrar a Festas dos Remedios conmemórase o inicio da ofrenda que cada ano presentan, por quendas, as cidades e vilas de Ferrol, Ortigueira, Viveiro, Ribadeo, Vilalba e o propio Concello anfitrión, Mondoñedo. Esta distribución correspóndense coas antigas cabeceiras dos partidos xudiciais que compoñen a actual Diocese de Mondoñedo-Ferrol.
A ofrenda deste ano correspóndelle oficiala á cidade de Ferrol. A maiores, o ano que vén celebrarase o 70 aniversario da proclamación da Virxe dos Remedios como patroa de toda a Diocese.
A organización vén de dar a coñecer o cartel pintado pola artista local Irma Loureiro, así como o programa das festas. O Concello de Mondoñedo e a nova asociación Virxe dos Remedios queren promocionar esta festividade tan sentida e con moita tradición na cidade, non só para a parroquia dos Remedios, senón para todo o municipio e os seus arredores.
O programa
O programa deste ano inclúe a IV edición da Festa da Xuventude, que se celebrará o venres día 7. Participarán un total de 5 orquestras que actuarán na Alameda: Samba, Garibaldi, Ritmo Joven, Nueva Fuerza; e o luns dos Remedios a orquestra local Salsarena que ofrecerá unha sesión vermú de dúas horas.
O sábado terá lugar unha nova edición dos cantos de taberna organizados pola Asociación Gaitaescola.
Novidades
Como novidades haberá unha feira de artesanía, a actuación de bandas de música e un desfile de traxe rexional galego que se celebrará o luns dos Remedios pola tarde.
Os membros da comisión de festas xa comezaron a recadar apoios a pasada fin de semana, polo que agradecen a colaboración económica da veciñanza, comerciantes, empresarios e asociacións locais, axudas ás que se sumará a do Concello.
Mondoñedo celebrará o 9 de setembro o 80 aniversario da Ofrenda Diocesana á Virxe dos Remedios
Relacionado
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
