Nota de Prensa
O Ente Público Portos de Galicia mantén o seu compromiso de mellorar a seguridade nas instalacións portuarias da súa competencia
O PSOE REXEITA UNHA EMENDA DO GRUPO POPULAR PARA DOTAR AOS PORTOS DE BURELA E CELEIRO DUN SISTEMA DE VIDEOVIXILANCIA QUE GARANTE O CONTROL DE ACCESOS DIURNOS E NOCTURNOS AS 24 HORAS DO DÍA
* A iniciativa do PSOE limitábase a pedir o restablecemento do servizo de vixiantes nocturnos, mentres que o sistema proposto polo PPdeG amplía o tempo de control ás 24 horas do día, os 365 días ao ano.
* No PP non admiten ningún tipo de lección por parte de Ismael Rego ao respecto da defensa dos intereses da Mariña xa que durante os catro últimos anos o deputado socialista estivo ausente da vida política desta comarca, incapaz de defender unha soa iniciativa en beneficio dos seus veciño o dos seus sectores produtivos tan importantes como é o da pesca.
Santiago, 5 de febreiro de 2010.- O Grupo Parlamentario Socialista rexeitou no día de hoxe unha emenda do Partido Popular dirixida a dotar aos portos de Burela e Celeiro dun moderno sistema de videovixilancia que garanta o control de accesos diurnos e nocturnos a estas instalacións.
Os populares explicaron que o Ente Público Portos de Galicia mantén o seu compromiso de mellorar a seguridade nos espazos portuarios da súa competencia para dificultar a produción de actos que atenten contra a integridade dos barcos e das persoas. A iniciativa socialista se limitaba a pedir a presenza de vixilantes nocturnos, mentres que co sistema de videovixilancia que propuxo o PPdeG, a vixilancia prolongarase durante as 24 horas do día os 365 días ao ano.
Os populares foron moi críticos coa posición mantida polo Grupo Socialista e, máis en concreto polo deputado Ismael Rego a quen acusaron de estar ausente da vida política da Mariña lucense durante os últimos catro anos de Goberno bipartito. De feito afirman que durante este tempo o deputado socialista “non se mollou demasiado pola comarca” convencido que “desde a pasividade ante a discriminación e mala xestión do Executivo bipartito, podería manter a súa poltrona” Segundo o PP Ismael Rego foi incapaz de defender ningunha iniciativa en beneficio dos intereses dos veciños desta comarca e, moito menos, de sectores tan importantes como é o da pesca polo que, en consecuencia, non admiten ningún tipo de lección ao respecto.
No Partido Popular están convencidos da idoneidade deste novo sistema de control de accesos e vixilancia das instalacións portuarias que se levará a cabo con cargo ao Programa de Investimentos en Obras Menores que desenvolve o Ente público autonómico. O Grupo Popular explicou tamén que este novo sistema entrará en funcionamento de xeito inminente, despois de contar coas autorizacións pertinentes da Axencia Estatal de Protección de Datos e sinalan que poderá comprobarse a súa total efectividade e resultados positivos.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
