LOURENZÁ .- Lourenzá presentou o programa de Entroido que organiza a ACIAL e o Concello. A Concellería de Cultura recorda que segue aberto o prazo para anotarse no curso de confección de disfraces, que se vén celebrando os mércores e venres
Nota de Prensa
Dende a Concellería de Cultura de Lourenzá, infórmase que segue aberto o prazo para anotarse no curso de Confección de Disfraces, que se vén celebrando os mércores e venres de 20:30 a 22:30 horas (remata o venres, 19 de febreiro), nas dependencias da Casa da Xuventude. Esta actividade xorde do interese e a entidade que o Entroido laurentino vai tendo ano tras ano, converténdose nun referente na zona. Deste xeito, as persoas interesadas, teñen a posibilidade de contar cunha axuda para a elaboración dos seus traxes. Anotan e informan desta actividade, na Casa da Xuventude, no teléfono 982 12 20 15, en horario de 16:30 a 19:30 horas.
Por outra banda, a área de Cultura do Concello laurentino colabora coa ACIAL (Asociación de Comerciantes, Industriais e Autónomos de Lourenzá), na organización da Festa de Entroido Infantil, que terá lugar o vindeiro domingo, 14 de febreiro, e na cal se distribuirá unha chocolatada con biscoito entre tódolos nenos asistentes. Dentro desa celebración, os representantes de ACIAL teñen previsto escoller a raíña infantil desta edición do Entroido.
Finalmente, e como prato forte do Entroido, vense de presentar conxuntamente, coa presencia do Alcalde (Vidal Martínez-Sierra López) e a Concelleira de Cultura (Mª Guadalupe Flórez Seivane) (posto que o Concello colabora na organización e patrocinio do evento); no Salón de Actos da Casa Consistorial, e coa presenza da directiva de ACIAL (organizadores do Entroido), o programa do “DOMINGO DE PIÑATA”, que supón o broche de ouro do Entroido na Mariña, e que nesta edición, se celebrará o día 21 de febreiro.
Destacan na edición deste ano:
* A presenza dunha nova carroza municipal, onde desfilarán a raíña e damas infantís (que busca contribuir á vistosidade do desfile).
* A dotación presupostaría do evento, que ascende a 12.000 €; dos cales, máis de 6.000 € están directamente destinados a premios para os participantes.
* A continuidade no sistema de xurado, composto por representantes dos departamentos de Cultura dos Concellos da Mariña (Concelleiros ou Técnicos dese departamento); o que garante a obxectividade e imparcialidade nas decisións que se toman á hora de elexir e valorar aos participantes.
* As canles para consultar e informarse das bases de participación no desfile; que permiten aos interesados anotarse antes da data do mesmo.
Teléfono e fax: 982 12 12 47
Teléfono: 982 12 12 07
Móvil: 609 86 77 04
* Por outra banda, tamén se poderá consultar a totalidade do programa na web do Concello (dende o luns): www.concellodelourenza.es
Como broche de ouro á celebración da entrega de premios, os asistentes desfrutarán da actuación de orquestra GRAN PARADA.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
