Burela, 21 de setembro de 2018. Charlas sobre Emisións de CO2 están a centrar as actividades da Semana Europea do Mobilidade, que estes días se celebra en Burela.
Onte levouse a cabo a primeira desas conferencias. Foron os alumnos de 1º da ESO do IES Perdouro os que participaron nesta actividade e hoxe, venres, tocaralles o turno aos alumnos do mesmo curso do IES Monte Castelo.
Segundo explican as monitoras de Gaia “esta charla céntrase nos nosos hábitos de desprazamento e a repercusión na contaminación, sobre todo nas emisións de CO₂. Non debemos esquecer que o transporte representa un terzo do consumo de enerxía final dos países membros da AEMA e máis dun quinto das emisións de gases de efecto invernadoiro, sendo tamén responsable de boa parte da contaminación atmosférica e acústica urbana. Por iso debemos apostar polas actuacións de mobilidade sostible: desprazarnos a pé, en bicicleta ou en transporte público en lugar de facelo en coche sempre que sexa posible, compartir un coche entre varios compañeiros para acudir ao colexio ou ao traballo…”.
E engaden que “actualmente a cota do automóbil nos desprazamentos que usan o transporte mecanizado é do 70% nas cidades europeas, fronte a un 25% no transporte público e un 5% en bicicleta; co grande problema medioambiental que isto xera. Todos podemos facer algo para mellorar esta situación e iso é o que pretendemos con estas charlas, que os rapaces recapaciten sobre este tema e modifiquen os seus hábitos no referente aos desprazamentos”.
Ao remate da charla os rapaces cubriron un cuestionario sobre hábitos de desprazamento, no que se constata que o medio de trasporte mecanizado que máis utilizan é o coche, e que para ir ao instituto a maioría o fan andando, a segunda opción máis utilizada é o coche (por moi pouca diferenza coa primeira) e moi poucos comparten coche, usan o autobús ou empregan a bicicleta.
Esta tarde terá lugar un concurso de debuxo infantil titulado Combina e móvete. Será na praza da Mariña a partir das 18:30 horas. Tamén nesta xornada haberá ensaio de ximnasia rítmica de 15:30 a 19:30 horas a cargo de Porta Norte Ximnasia Rítmica e ás sete e media ensaio de Ledicia.
Mañá, sábado, rematará a programación da Semana Europea da Mobilidade coas rutas en bici eléctrica. Serán entre as 10 e as 14 horas con saída da praza do Concello, previa inscrición ao longo destes días. E de 12 a 13:30 horas terá lugar un taller de manualidades con Gaia na praza do Concello.
As emisións de Co2 centran este venres as actividades da Semana europea da Mobilidade, que se celebra en Burela. A programación rematará mañá, sábado, coas rutas en bici eléctrica e cun taller de manualidades con Gaia
Relacionado
-
O Concello de Burela pide rigor ao PP e lembra que a licitación do SAF segue en tramitación
-
Medio Rural reafirma a súa aposta pola conservación e impulso das razas autóctonas na Feira de Gando de Augaxosa en Riotorto
-
O BNG denuncia que o Centro de Saúde do Valadouro volve quedar cun só médico tras dous anos de recortes
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
