Burela 29-9-18. O Pescados Rubén Burela FS estreouse ao grande na xornada inaugural de liga con festival de goles laranxas na pista do novel en Primeira, Viaxes Amarelle (0-6). Tras o máis que temperán tanto de Dany, as da Mariña conseguiron sentenciar prácticamente o derbi galego na primeira parte, con 0-4 ao descanso.
Aos 18 segundos, Dany marcaba o que ía ser o guión da estrea de 2018-19, adiantando as de Julio Delgado e Lucas no electrónico. O Pescados Rubén ofreceu un dominio que as coruñesas conseguiron equilibrar nos primeiros minutos. No entanto, as da Mariña lograron abrir notablemente a fenda en menos de cinco minutos ata o 0-4. Cilene firmou o 0-2, no 10, aproveitando unha falta de entendemento local na área. Luci estreou a súa cuadrícula nas filas laranxas no minuto 14 cazando un rexeite de Sandra a tentativa de Cami. Reaccionou Amarelle con xogo de cinco sen éxito e recibiu tan só un minuto despois o mazazo do 0-4, en propia porta de Patri Romaní. Sandra salvou fronte a Peque o quinto no último suspiro antes do descanso, nunha acción que obrigou á 7 mariñá a saír da pista con molestias nun pé que lle impediron seguir xogando.
Volveron as burelistas ao parqué cunha cómoda renda de 0-4 que lles permitiu mitigar a intensidade de xogo que conseguir ampliar Jenny, no 28, e Dany, no 33.
Ficha técnica
Viaxes Amarelle FSF: Sandra, Patri, María, Iraia, Martita, cinco inicial; tamén xogaron Iru, Renee, Inés, Zaida, Mónica.
Pescados Rubén Burela FS: Jozi, Dany, Cilene, Peque, Cami, cinco inicial; tamén xogaron Cris, Luci, Lara, Jenny, Ana Romero.
Goles: 0-1, minuto1, Dany; 0-2, minuto 10, Cilene; 0-3, minuto 14, Luci; 0-4, minuto 15, Patri Romaní (p.p.); 0-5,minuto 28, Jenny; 0-6, minuto 33, Dany.
Árbitros: Cid Bragado // Feliz Otero (Galicia). Por Amarelle dobre amarela a María. Por Burela amarela a Cilene, Lara Balseiro.
Incidencias: Partido correspondente á xornada 1 de Primeira RFEF disputado no pavillón Sagrada Familia da Coruña
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
