Mondoñedo, 30 de setembro de 2018.- Mondoñedo celebra o Día de los Pueblos Máis Bonitos de España, que ten lugar mañá luns, día 1 de outubro, coa posta en marcha de audioguías ficcionadas. Así o adianta a alcaldesa da localidade, Elena Candia, quen explica que a entidade local vén de adquirir 30 MP4 e 30 cascos illantes para garantir a calidade do sistema e así escoitar as historias e os sons con total nitidez e sentirse totalmente inmerso na experiencia. O importe destes equipos foi duns 1.700 euros.
A Mancomunidade de Concellos da Mariña Lucense encargou á Compañía Teatral Chévere o deseño e elaboración destes aparatos para as tres vilas porta de acceso á Mariña Lucense: Viveiro, Ribadeo e Mondoñedo. Trátase de dispositivos que desenvolven historias personalizadas e adaptadas a cada destino, realizadas tras un coidadoso proceso de documentación para identificar sucesos, personaxes e lugares que permitan transmitir a idiosincrasia de cada vila. Deste xeito, as audioguías poderán escoitarse dende mañá grazas aos sistemas adquiridos polo Concello, que é quen pon en funcionamento este servizo.
Deste xeito, a alcaldesa remarca que se trata dunha iniciativa, “cuxa entrada en funcionamento quixemos facer coincidir co Día de los Pueblos Más Bonitos de España, e que celebramos mañá, xunto aos outros 67 municipios de todo o estado que estamos nesta rede, porque estamos convencidos que dá un valor engadido á oferta turística que xa ofrece a nosa cidade. É, sen lugar a dúbidas, unha boa alternativa para que os visitantes e os veciños poidan coñecer e sentir Mondoñedo doutra forma, converténdonos nun destino cultural e innovador”, destaca.
É precisamente por esta característica que a rexedora lembra ás persoas usuarias que teñan especial coidado co tránsito rodado da vila xa que o son queda completamente adicado á audioguía.
“Somos un pobo máis bonito pero ademais con contido; un contido emocionante para vivir unha experiencia cultural única”, conclúe a titular municipal.
Roteiro de Mondoñedo
O roteiro por esta vila está baseado na figura do escritor Álvaro Cunqueiro, utilizando espazos urbanos vencellados coa súa vida e obra como fío condutor. Abórdase dende un formato que mestura o documental, o testemuñal e o novelado (“entre ficción e realidade como lle gustaba a Cunqueiro”) no que participan voces dos veciños e veciñas mindonienses. Concretamente, estas interpretacións corresponden a Alicia Puchades, familiar de Álvaro Cunqueiro; Remedios Ledo, a filla do Pallarego; José María Palacios, xornalista; Ángel Redruello, veciño da vila namorado da obra de Cunqueiro; e Fernando López González, que traballou toda a vida na imprenta Sucesores de Mancebo.
O punto de partida é a Oficina de Turismo e remata no Cemiterio Vello, sendo o percorrido o seguinte: 1. Oficina de Turismo; 2. Estatua de Cunqueiro; 3. Rúa Pascual Veiga; 4. Praza do Seminario; 5. Rúa da Fonte e Fonte Vella; 6. Praza da Catedral; 7. Rúa Lence Santar; 8. Rúa Pacheco; 9. Rúa Concepción; 10. Praza do Concello; 11. Igrexa Nova; 12. Rúa Lodeiro Piñeiroa; 13. Rúa Julia Pardo, ata o 14. Cemiterio Vello.
Duración, prezos e distribución
A duración estimada é de 45 minutos e os prezos do alugueiro dos equipos son os seguintes:
-Prezo ao público xeral: 2€
-Prezo para colexios en xeral: 1 €
-Prezo para habitantes de Mondoñedo: GRATIS ata 28/09/2019
-Capacidade máxima: 30 unidades
-Descarga gratuíta do audio dende unha ligazón da web do Concello
A distribución do material (auriculares e MP4), realizarase a través da Oficina Municipal de Turismo. As reservas poden efectuarse a través da mesma, chamando ao 982 50 71 77 ou por correo electrónico: mondonedoturismo@yahoo.es. A duración do préstamo será de máximo unha hora e media, contadas desde a sinatura do formulario.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
