Lugo 20, outubro, 2018. O deputado autonómico popular da Mariña, Daniel Vega, destaca, tras unha primeira análise dos Orzamentos da Xunta para o vindeiro ano 2019, “o compromiso do Goberno de Feijóo con Lugo e a súa provincia” como reflicte o feito de que “Lugo é a provincia con más inversión por habitante”. É máis, o Goberno galego destina 4.022 euros por cada lucense nun exercicio de “reequilibrio territorial” a través dun maior gasto per capita nas provincias orientais respecto ás atlánticas.
Así, a comarca da Mariña recibirá no 2019 algo máis de 9 millóns de euros para inversións reais entre os que se atopan os 1,5 millóns para continuar co desenvolvemento da VAP Costa Norte (Viveiro).
“O Goberno galego tamén ten presente as necesidades dos portos mariñáns”, indica Vega. Así, investirá un millón de euros para o dragado e outras actuacións no porto de Viveiro e medio millón para a ampliación e mellora do abrigo no porto de Burela. Tamén se mellorará o abrigo en Porcillán, Ribadeo, con 200.000 euros. O municipio ribadense verase beneficiado das contas da Xunta, por outra parte, coa achega de 438.000 euros para a adquisición, publicacións, reparación e acondicionamento, asistencias técnicas, reunións e encontros científicos e proxectos de investigación do centro de investigación mariña.
Co obxectivo de “continuar a mellorar as instalacións sanitarias da comarca”, tal e como defende o popular, os orzamentos da Xunta para o 2019 contemplan unha partida de 888.349 euros para o Hospital da Mariña dirixidos ao Plan Director, maquinaria e mobiliario e actuacións de eficiencia e aforro enerxético.
“As contas do Executivo autonómico tamén teñen en conta as necesidades en materia de augas residuais” e achegarán 776.000 para a EDAR de Burela, 500.000 para a de Foz e outros 500.000 para mellorar a EDAR de Viveiro e o saneamento en Celeiro. Ademais, “recóllense 400.000 euros para o consorcio de abastecemento de auga Cervo-Burela”, indica o parlamentario.
Mondoñedo, no seu caso, beneficiarase dos 183.000 euros contemplados nas partidas do plan Rexurbe que tamén se executará en Lugo e Vilalba. Xestur, pola súa banda, ten previsto actuar no parque empresarial da Pontenova con 75.000 euros.
Daniel Vega engade tamén que “a estes investimentos da Xunta na Mariña hai que engadir outras partidas xenéricas que elevarán visiblemente as achegas do Goberno autonómico para os concellos da comarca no 2019”. Como por exemplo os investimentos para o Servizo de Gardacostas que supera, en conxunto, os 2,1 millóns de euros.
Aumento do gasto social, impulso do emprego e baixada de impostos
Os populares inciden na multiplicación dos investimentos para a provincia en materia sanitaria, educativa e para infraestruturas “dando continuidade a proxectos xa iniciados ou ao impulso doutros de importancia para a provincia”.
Igualmente, dende o PP lucense poñen en valor que “as contas do Goberno galego impulsen a creación de emprego incentivando o investimento en pemes innovadores e iniciativas empresariais de base tecnolóxica e que incrementan o gasto social que suporá un aumento de 14 millóns nas partidas de dependencia e a ampliación do permiso de maternidade a 24 semanas, entre outras medidas”. Ademais, aumentan nun 5,2% os investimentos en infraestruturas, innovación e modernización.
Estes orzamentos aproban novas baixadas de impostos no Imposto de Sucesións para as herdanzas entre irmáns ou para mercar vivenda usada, entre outros. “Esta redución dos impostos que propón o Executivo galego merece ser subliñada fronte á suba dalgúns impostos, coma o do diésel, que propón o Goberno do Estado”. A este respecto, Vega asegura que “manter ou rebaixar os tributos permite ao Goberno galego impulsar políticas sociais”.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
