Foz, 23 de outubro de 2018.- A Xunta colaborou cos concellos de Foz e Alfoz na posta en valor da Ruta dos Castelos e do miradoiro da Frouseira, un proxecto promovido conxuntamente por ambas administracións locais que contou co apoio do Goberno galego a través da Axencia de Turismo de Galicia.
O delegado territorial da Xunta en Lugo, José Manuel Balseiro, acudiu hoxe ao alto da Frouseira para coñecer o resultado dos traballos de instalación dunha escaleira e un miradoiro de madeira, acompañado do alcalde de Foz, Javier Jorge Castiñeira, e do tenente alcalde de Alfoz, Xabier Pardiñas.
A Administración autonómica financia o 75% do orzamento do proxecto mediante unha achega de 18.350 euros, dentro da convocatoria de axudas para a mellora da sinalización e da accesibilidade aos recursos turísticos. Balseiro subliñou que as axudas de Turismo de Galicia teñen por obxecto “consolidar a oferta turística nos municipios rurais a través da posta en valor da súa riqueza histórica, cultural, patrimonial e paisaxística”.
O finalidade deste proxecto foi o acondicionamento e sinalización da ruta que comparten Alfoz e Foz e que discorre a carón do río Ouro, dende o castelo de Castrodouro (Ben de Interese Cultural -BIC-) ata o pé do alto da Frouseira, para culminar o percorrido nos restos da fortaleza da Frouseira.
A denominada Ruta dos Castelos ten un itinerario de 12,6 quilómetros e o obxecto deste proxecto foi instalar ao longo do percorrido elementos de sinalización e paneis interpretativos con información sobre a ruta e os puntos máis importantes polos que discorre. Coa actuación no alto da Frouseira pretendeuse dar solución aos problemas de accesibilidade, mediante a construción dunha escaleira de madeira que desemboca nun miradoiro. Esta intervención realizouse para facer posible desfrutar da paisaxe e contemplar os restos da fortaleza dun xeito seguro, ordenado e respectuoso.
Este proxecto favoreceu a mellora dun espazo que representa un importante recurso turístico para estes concellos, con elementos de gran valor paisaxístico, patrimonial e natural.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
