Estudantes do CIFP Porta da Auga, de Ribadeo, visitaron as instalacións da fábrica de cerámica de Sargadelos

Coñeceron o seu sistema de produción en planta circular. Nesta actividade participaron alumnos e alumnas e profesores do 2º curso do Ciclo Superior de Administración e Finanzas e de 2º do Ciclo Medio de Xestión Administrativa do centro ribadense, que comprobaron que na fábrica de Sargadelos “son fieis ao seu slogan, que é a marca da casa: deseño, cultura, historia e calidade”, explicaron desde o CIFP Porta da Auga. Ademais agradecen ao persoal da empresa que lles explicou e mostrou amablemente as súas instalacións.