Foz, 31 de outubro de 2018. O Concello de Foz vén de acadar un principio de acordo coa Fundación Martínez Otero para construír un auditorio municipal na horta do asilo. O alcalde, Javier Jorge Castiñeira, considera que se trata dunha situación ideal, xa que está moi céntrica e enfronte da Sala Bahía. O rexedor focense subliñou que xa está elaborado o anteproxecto para unha instalación que terá capacidade para máis de 900 persoas.
“Desde o equipo de goberno queremos informar dunha moi boa nova para os intereses do Concello de Foz, que é o inicio dos trámites para a cesión dos terreos que ocupa a horta do asilo de anciáns, a carón da Galiña Azul e da Sala Bahía. É un espazo de 2.770 metros cadrados que van ao fronte da rúa Concello de Viveiro para situar aí o novo auditorio do Concello de Foz”, anunciou hoxe o rexedor municipal focense.
O alcalde lembra que “é unha infraestrutura moi demandada polas asociacións culturais do noso concello, porque se está vendo que para todas as actividades que se están facendo non temos unha infraestrutura deste tipo, que cumpra uns mínimos”.
O rexedor manifesta que “o primeiro paso está dado e quero agradecer ao padroado da Fundación Martínez Otero pola súa dispoñibilidade; desde logo queremos seguir avanzando nese documento de cesión, pero ademais permitiunos ter xa elaborado o anteproxecto desta infraestrutura e xa o temos encima da mesa. Vai ser unha edificación que albergue a máis de 900 persoas de capacidade, que entendemos que xa é un aforo interesante para un edificio deste tipo. Estará nunha zona céntrica, próxima a aparcamentos tanto da Sala Bahía como da avenida de Viveiro e da rúa Cervantes. É un sitio ideal para esta nova infraestrutura”.
Javier Castiñeira engade que “con este anteproxecto iniciaremos tamén a tramitación do financiamento. Iremos á administración que entendemos que debe facer esta infraestrutura, tal e como pasou noutros moitos concellos, que é a Xunta de Galicia. Irei falar directamente co presidente da Xunta para pedir a súa colaboración para facer unha infraestrutura tan necesaria para o noso concello e tan demandada como é o auditorio”.
O alcalde explica que “houbo que cambiar situación prevista inicialmente, hai xa varios anos, que era na zona portuaria, posto que as negociacións con Portos de Galicia non tiveron éxito porque xa non permite ese tipo de obras nas súas zonas portuarias. Polo tanto a nova ubicación era necesario buscala nunha zona céntrica e o Concello non tiña solares nos que puidese situar unha instalación deste tipo. Entón recorremos ao padroado da Fundación Martínez Otero, as primeiras negociacións son moi positivas e a boa vontade do Padroado vai facer posible que se inicie un expediente tan importante como é o da construción dun auditorio no noso concello”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
