Lugo, 2 de novembro de 2018.- A Xunta de Galicia destina 119.100 euros a financiar melloras en escolas infantís municipais e Puntos de Atención á Infancia (PAI) de seis concellos da provincia de Lugo: Trabada, Antas de Ulla, Vilalba, Lugo, Castro de Rei e A Pastoriza.
O delegado territorial da Xunta en Lugo, José Manuel Balseiro, explicou que estes apoios se enmarcan na liña de axudas a concellos para realizar actuacións en centros de atención á infancia de 0 a 3 anos. As achegas contan con financiamento por parte do Programa Operativo Feder Galicia 2014-2020 e van dirixidas a sufragar obras de adecuación e mellora de infraestruturas, da accesibilidade, a adquirir novo equipamento -incluído mobiliario interior e exterior e material didáctico e de xogo- e a integrar as novas tecnoloxías nas aulas, mediante a dotación de conexión a internet e de dispositivos tales como ordenadores ou encerados dixitais.
Balseiro salientou que estes investimentos son “unha mostra máis do compromiso da Xunta coa calidade da atención educativa na que é a primeira etapa da aprendizaxe dos nenos e nenas, que supón un piar fundamental no seu desenvolvemento e que precisa duns espazos axeitados ás necesidades, intereses e competencias dos pequenos destas idades”.
O delegado territorial de Lugo incidiu en que a atención á infancia e o apoio ás familias son unha prioridade para a Administración autonómica e apuntou que esta liña de axudas da Consellería de Política Social pon de manifesto “a vontade do Goberno galego de que as familias dispoñan dos mellores recursos de conciliación para os seus fillos e fillas”.
Ademais das liñas de axudas para investimentos, outras medidas que forman parte do programa de apoio á natalidade (PAN Galicia) son os bonos Coidado e Concilia, as Casas Niño ou a posta en marcha de novas escolas infantís en contornos laborais.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
