Burela 3-11-18. Os burelistas pecharon a Tarde Laranxa de Vista Alegre cun traballado empate ante o correúdo Manzanares Quesos El Hidalgo (2-2), un resultado co que os de Juanma Marrube se manteñen invictos e seguirán durmindo líderes (18 puntos) á espera do que ocorra mañá entre ElPozo Ciudad de Murcia (16 puntos) e Córdoba Futsal (8 puntos).
Os mariñáns viviron unha primeira parte practicamente sen apuros, coa grande axuda do meteórico 1-0, xa aos 23 segundos de xogo, con firma de Pope, nun saque de esquina de Renato. Tras da dobre ocasión do 14 burelista nos últimos compases antes do descanso, fronte a Dani Juárez, os laranxas saíron moi incisivos, con iniciativa. R. Vargas non puido ampliar distancias a porta baleira ndun grande entendemento entre Pitero e Hélder. Talvez o partido tomaría outros destinos; perdoaron os de Juanma Marrube e os castelano-manchegos aproveitaron para dar a volta ao marcador en dúas accións que poderían estar mellor defendidas. Cobraron fol no 28 con Hicham; o 2 do Manzanares recibiu, regateou e subiu o empate nun disparo raso; e en menos dun minuto víronse por diante, con Pablo Mel desde fóra da área.
No 35 Luisma e R. Vargas dispuxeron de dúas ocasións de ouro nas que saíu vitorioso o meta castelano-manchego. Chegou entón a oportunidade, no 36, coa segunda amarela; intentárono Mata, desviado, e Renato, con aparición de Dani Juárez. E por fin chegou o máis que merecido empate, nas zapatillas de Juanfran, a pase de R. Vargas, que superou a liña de meta tras tocala levemente Dani.
Ficha técnica
Pescados Rubén Burela FS: Edu, Renato, Pope, R. Vargas, Hélder; tamén xogaron Lucho, Pitero, Juanfran, Luisma, Matamoros, Porto
Manzanares Quesos El Hidalgo: Dani Juárez, Blecua, Nacho Gil, Kiki, Pablo Mel; tamén xogaron Hicham, Pepe, Jorge Salcedo, Chin, Otero
Goles: 1-0, minuto 1, Pope; 1-1, minuto 28, Hicham; 1-2, minuto 29, Pablo Mel; 2-2, minuto 37, Juanfran
Árbitros: Sánchez Llorente // Toca Campo (Cantabria). Por Burela amarela a Renato (minuto 9), Luisma (minuto 20), Lucho (minuto 30). Por Manzanares amarela a Pepe (minutos 17 e 36), Otero (minuto 24), Dani Juárez (minuto 40), Kiki (minuto 40), Nacho Gil (minuto 40)
Incidencias: Partido correspondente á xornada 8 de Segunda LNFS disputado en Vista Alegre ante unhas 1000 persoas.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
