Cervo, 9 de novembro de 2018.- O Concello de Cervo, a través da delegación de Educación, programa novos obradoiros de motivación e reforzo para o alumnado de primaria, nesta ocasión son cursos de educación socioemocional –dirixidos aos nenos e nenas de 1º a 3º de educación primaria-; e de técnicas de estudo –para o alumnado de 4º a 6º de primaria, e de 1º e 2º da ESO-.
Os obradoiros serán impartidos pola Psicóloga Iria Díaz, na Casa da Cultura de San Cibrao.
En concreto, o programa de Educación Socioemocional bautizado como “os contos de mochil”, impartirase todos os xoves en horario de 18:00 a 19:00 horas desde o 22 de novembro ata o remate do curso escolar. Nel traballarase a autoestima, a resolución de conflitos, a empatía, a autonomía, a convivencia e abordaranse técnicas de autocontrol, entre outros aspectos.
Pola súa banda, o obradoiro de técnicas de estudo dirixido ao alumnado de 1º e 2º da ESO, impartirase os martes, de 19:00 a 20:00 horas, ata fin de curso, e abordaranse diferentes estratexias de comprensión lectora, técnicas mnemotécnicas, traballarase o resumo e o esquema e tamén se avaliarán as estratexias de estudo individuais.
Este mesmo obradoiro dirixido ao alumnado de 4º a 6º de primaria, terá lugar cada martes en horario de 17:30 a 18:30 horas; e os nenos e nenas que asistan traballarán tamén as estratexias de comprensión lectora, proporcionaránselles as ferramentas para a planificación e o desenvolvemento de hábitos de estudo e diferentes técnicas para a ampliación do campo visual.
As persoas interesadas en inscribirse ou en recibir máis información poden achegarse á Casa da Cultura, ou chamar ao teléfono 982.59.51.57.
O Concello de Cervo decidiu programar unha nova edición destes obradoiros dada a gran acollida que tiveron o curso pasado: o programa FORTIUS –no que se traballou a prevención de dificultades emocionais, contribuíndo ao desenvolvemento dunha personalidade saudable-; e o taller PÁRATE E PENSA –encamiñado a mellorar a concentración e a reflexividade, incidindo no manexo das emocións-.
O rexedor, Alfonso Villares, fixo fincapé en que estes obradoiros non foron concibidos como clases particulares de apoio nin moito menos; senón que por medio deles e da man de persoal cualificado “pretendemos brindarlle ao alumnado as ferramentas necesarias para contribuír a desenvolver as súas habilidades; algo que, directa ou indirectamente, tamén pode influír na mellora do seu rendemento escolar”.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
