Ribadeo, 12 de novembro de 2018. O alcalde, Fernando Suárez, asistiu en Santiago á sinatura dun novo protocolo contra a violencia de xénero xunto a representantes doutros cen Concellos galegos e as tres Deputacións. O rexedor lembrou que Ribadeo foi un dos primeiros en participar nesta iniciativa municipalista na que leva traballando catro anos e subliñou que teñen programados infinidade de actos do 19 ao 25 de novembro.
Fernando Suárez declarou: “con todo o orgullo estamos aquí en Santiago hoxe, para a sinatura deste novo protocolo contra a violencia de xénero, que estamos asinando máis de cen concellos que levamos catro anos traballando nesta iniciativa municipalista”.
O rexedor ribadense lembrou que “Ribadeo foi dos primeiros concellos, xunto con Santiago de Compostela e tres ou catro máis, que iniciamos esta singladura. Agora temos 102 concellos, tres Deputacións de todas as provincias, agás a de Ourense, que estamos traballando pola igualdade e contra a violencia de xénero”.
Suárez Barcia salientou que “esta violencia aféctanos a todos, con independencia da situación social e do lugar onde esteamos, e que entre todos e todas temos que combatela, e sobre todo temos que concienciar dende todos os eidos. Por isto esta marabillosa campaña que iniciamos desde os Concellos, pero que abrangue a moitísimas institucións. En Ribadeo a centros educativos, ao centro de día, a clubs deportivos, multitude de asociacións e todo o noso comercio local con máis de 150 inscritos nesta campaña, para poder visibilizar con estas pancartas en negro, con esta publicidade subliminal, poñendo o negro contra a violencia para que vaia calando día a día e para que estas desgrazas que temos que ver e escoitar nos medios de comunicación, de asasinatos de mulleres por violencia de xénero, teñen que ser cousa do pasado. Non podemos aceptar ningunha máis”.
O rexedor engadiu que “por iso estamos aquí moitísimos Concellos, e Ribadeo entre os primeiros, para asinar este novo protocolo que vai dar lugar a todas as actividades que do 19 ao 25 de novembro se van levar adiante, e singularmente para o día 23 de novembro, ás doce, que vai haber un acto tamén en Ribadeo do que daremos cumprida conta dentro duns días”.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
