CERVO .- O alcalde de Cervo, Alfonso Villares, asinou este mediodía en Lugo un convenio co conselleiro de Medio Rural, Samuel Juárez, sobre Proxectos Estratéxicos de Infraestruturas no Medio Rural 2009-2010 (PEIM) para desenvolver traballos de acondicionamento en distintas pistas rurais do termo municipal.
As actuacións incluídas neste acordo teñen un orzamento de 80.407,94 euros e desenvolveranse nos seguintes camiños rurais:
o Vilastrofe-Alleira (San Román)
o O Vedral-A Granda (Rúa)
o Lombas-Casmaio (Rúa)
o Machuco-Ruela (Rúa)
o Vieiro-Carballa (Rúa)
o Freixo de Arriba (Rúa)
o Cristo-A Ruela (Rúa)
En concreto actuarase nunha lonxitude total superior aos 3.000 metros e as obras consistirán en tarefas de roza e limpeza dos camiños, o acondicionamento das súas cunetas e taludes, e o seu posterior asfaltado. Está previsto que os traballos den comezo na vindeira primavera.
O alcalde, Alfonso Villares, valorou moi positivamente esta achega económica “porque contribuirá a dignificar e mellorar a calidade de vida dos veciños que reside nestas zonas” e indicou que o Concello continuará a traballar para que a mellora destes sete camiños do rural cervense “se poda estender en vindeiras datas ao resto de pistas do nosos termino municipal”.
Os PEIM Rural 2009-2010 son uns proxectos nos que colaboran o Ministerio de Medio Ambiente e Medio Rural e Mariño e a Consellería do Medio Rural co fin de levar a cabo actuacións en materia de desenvolvemento rural e establecer un marco xeral de cooperación onde se definan as liñas xerais de colaboración técnica e financeira en materia de infraestruturas rurais.
Vixencia do Convenio
A duración deste convenio de colaboración ten efecto dende o presente día da súa sinatura ata o 31 de decembro do 2010.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
