Ribadeo, 17 de novembro de 2018.- A Xunta de Galicia acometerá unha dragaxe de urxencia no porto comercial de Ribadeo, iniciativa coa que pretenden garantir a total operatividade da dársena de mercadorías de Mirasol.
Así o confirmou o delegado territorial da Xunta en Lugo, José Manuel Balseiro, quen indicou que Portos de Galicia xa ten moi avanzadas as xestións para acometer esta obra que conta cun orzamento estimado de entorno a 450.000 euros.
A actuación, que suporá actuar en 19.000 metros cadrados, ten previsto acometerse na zona central de Mirasol, canal do porto e no acceso ao porto deportivo, onde a dinámica das mareas deposita os sedimentos.
Xa está moi avanzada a tramitación ambiental deste proxecto, pois compre lembrar que a zona forma parte da Rede Natura 2000 o que obriga a desenvolver distintos estudos de impacto e autorizacións reforzadas
Balseiro tamén explicou que o proxecto non se limitará a esta dragaxe de urxencia, senón que xa se está tramitando unha actuación paralela, moito máis integral, que pretende ampliar a duración desta solución adoptada.
Confederación de empresarios
Balseiro amosouse sorprendido porque o secretario xeral da Confederación de Empresarios de Lugo, Jaime López, reclame a súa mediación para acometer estes investimentos xa que logo lembra que na última xuntanza que mantiveron con este colectivo patronal e na que estaba o propio secretario, xa se lles informou desta iniciativa e das actuacións que ten previsto impulsar a administración autonómica nos próximos meses nos distintos portos da Mariña, con investimentos que superan os dous millóns de euros.
O delegado avanzou que nunha próxima visita o presidente de Portos de Galicia, José Juan Durán, ofrecerá máis detalles sobre esta e outras iniciativas.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
