Burela, a 17 de novembro de 2018.- O Grupo Municipal Popular burelés acusou hoxe ao PSOE e ao BNG de “cínicos” porque “durante o Goberno bipartito na Xunta foron incapaces de cambiarlle o teito ao Hospital de Burela ou reformar Xinecoloxía, tampouco dicían ‘nin pío’ sobre a ampliación nin ampliaron servizos e agora critican a ampliación do Hospital e mesmo a ampliación de servizos feita desde 2012 ata agora”.
Para os populares de Burela, “o secretario xeral dos socialistas lucenses, Álvaro Santos, que vén a Burela en coche oficial e pagado pola Deputación, non tén nin idea do que é o Hospital da Mariña e fala de oídas. Polo tanto, debería enterarse antes de abrir a boca. Os socialistas, desde 2005 a 2009, non fixeron absolutamente nada polo Hospital. Foi no 2012 cando se comezou a traballar na ampliación do centro, que dende entón vai cumprindo os prazos establecidos, e se puxeron en marcha servizos coma HADO ou Oncoloxía e se realizaron melloras en Oftalmoloxía. Algo que eles nin tan sequera plantexaron”, matizan.
Así mesmo, consideran dende o PP que “sería bo que antes de dicir o que di falase co alcalde de Burela que non apoiou no seu día o PXOM que posibilita que esta ampliación se faga e que o mércores estaba tan encantado coas obras que mesmo chegou a afirmar que acendería as luces de Nadal coincidindo coa posta en funcionamento desta ampliación. O mesmo alcalde que, no seu discurso, quén sabe se por vergoña ou por falta de convicción, en ningún momento citou as verbas ‘área sanitaria’”, continúan.
Desde o Grupo Municipal Popular consideran que “o BNG foi cómplice do PSOE de que non se lle tocase ao Hospital da Mariña e de que non se ampliasen servizos durante a Xunta bipartita. Polo tanto, non están lexitimados para demandar nada”.
Os populares afirman tamén que “os prazos para levar a cabo a total ampliación e remodelación do Hospital estanse a cumprir conforme ao que se manifestou no seu día e estamos seguros que os usuarios valorarán positivamente as novas instalación”. É por iso polo que cren que “PSOE e BNG deberían pedir perdón por non ter feito nada no Hospital durante a Xunta bipartita e deixar de intoxicar á cidadanía”.
O Grupo Municipal Popular de Burela acusa a PSOE e BNG de “cínicos” por “non ter feito nada polo Hospital durante o bipartito na Xunta e agora criticar a ampliación e a mellora de servizos”
-
-
SeguinteO presidente da xestora local do Partido Popular de Burela, Manuel Rouco, reuniuse hoxe xunto ao deputado autonómico Daniel Vega, e o deputado nacional Jaime de Olano, con representantes de asociacións sociais e culturais da vila continuando así co seu labor de escoita e aproximación ao tecido socio-cultural de Burela
Relacionado
-
A Xunta esíxelle a Bruxelas a revisión inmediata do veto ao palangre tras constatar o informe Ispamer que este arte non ten impacto nos hábitats mariños
-
A Garda Civil alerta no Senado do déficit de efectivos e do illamento das zonas rurais de Lugo
-
Vilalba pon en marcha un curso gratuíto de galego para favorecer a integración da poboación migrante
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
