Asociación de senderismo Pasada das Cabras de Burela celebra asemblea ordinaria o venres día 14 de Xaneiro, no salón de actos da antiga biblioteca, as oito e media da tarde en primeira convo... Ler máis
ÚLTIMA HORA
- 5 ouros e 1 bronce para o Egovarros-Viveiro no Campionato Galego de pista cuberta de veteráns
- O Concello de Viveiro aclara que non está bloqueando ningún trazado da variante e pídelle á Xunta “que non utilice a institución para favorecer ao PP”
- Pontón anima á cidadanía a asistir masivamente á manifestación do 12F para defender a sanidade pública
- O PP de Ribadeo denuncia falta de traballo por parte do goberno local na conservación das instalacións deportivas
- Xebra e Mariña Patrimonio xúntanse para descubrir as alfándegas históricas agochadas na costa, visitando o castro de Rueta que foi obxecto de recente investigación por un equipo do CSIC, o xacimento do Coído e outras curiosidades do litoral burelao
A cita é o sábado 11 ás 12 h dende o castro de Rueta. Recoméndase ir en coche para aforrar tempo entre desprazamentos, e levar roupa e zapatos cómodos. - O pasado domingo, 5 de febreiro, celebrouse a gala solidaria do Grupo Humorístico Trípode na Casa da Cultura do Valadouro
O grupo teatral O Centiño de San Martiño escenificou a súa última obra, titulada "De poucas luces", e o cantante mindoniense Álex Barreira, do dúo Belinda, interpretou catro cancións. Os cartos recadados como donativo irán destinados a cubrir as necesidades da agrupación de Cáritas de Alfoz e O Valadouro. - O Club de Remo Celeiro desprazouse este Domingo a Boiro para asistir a regata "XX contra reloxo de Cabo da Cruz", organizada polo Club De Remo Cabo da Cruz
Asistiron cunha tripulación mixta representada por 14 remeiros, 2 deles compañeiros do Club de Remo de Mugardos. No referente os resultados, acadaron 2 clasificados equipos mixtos e 9º posto na xeral de Veteráns. - Saúl Jiménez, de Carlos Fotógrafos, será o autor do Cartel anunciador da Semana Santa de Viveiro 2023, que se presentará o 4 de Marzo
O fotógrafo viveirense recibiu o encargo da Xunta de Confrarías da Semana Santa de Viveiro na pasada Coresma. O autor de recoñecido prestixio e nomeado aos premios Goya, presentou unha selección de fotografías entre as cales se seleccionou o citado Cartel, e outras 21 que se expoñerán na Praza Maior durante a Semana Santa. - Este sábado os pensionistas e xubilados voltaron a rúa en Ribadeo
Fixérono para reivindicar pensions e servizos públicos dignos. "Goberne quen goberne as pensions e o público deféndese". - O Martínez Otero sumouse á iniciativa da Asociación Española Contra o Cancro en Lugo
Esta entidade solicitaba a colaboración dos centros educativos para visibilizar, tamén entre o alumnado, a importancia da loita contra esta enfermidade que celebra no día de mañá, 4 de febrero, o Día Mundial Contra o Cancro. O obxectivo é incrementar a concienciación sobre a prevención, a detección precoz e a necesidade de aumentar as partidas orzamentarias destinadas á investigación oncolóxica. O Martínez Otero confecionou no patio do colexio con todo o alumnado, un enorme lazo verde, cheo de vida e adicado a todas aquelas persoas que están a loitar contra esta enfermidade e aos seus familiares. - O Concello de Cervo, a través da delegación de Muller e Igualdade conta cunha gran participación no xa tradicional campionato de tute e parchís con motivo do Día Internacional da Muller
As partidas, que deron comezo o pasado luns 23 de xaneiro, prolongaranse ata marzo e contan con ao redor de 40 mulleres do municipio, divididas en 11 parellas de tute e 8 parellas de parchís. As gañadoras recibirán un trofeo de cerámica de Sargadelos o sábado 11 de marzo na cea do Día da Muller, que dará por finalizada a competición. Dende o Concello de Cervo, a edil responsable da delegación de Muller, Pilar Armada “agradece a participación de todas as mulleres que forman parte do campionato e convidan a futuras xogadoras a participar en próximas edicións”.
2021 Crónica 3 A Mariña - Implementado por GaliciaDigital