Nota de Prensa
REGO INTERPELA NO PARLAMENTO SOBRE A SITUACIÓN URBANÍSTICA DO CONCELLO DE BARREIROS (LUGO)
-O deputado socialista di que o Goberno da Xunta de Galicia parece que pretende facernos a todos os galegos corresponsables das presuntas irregularidades urbanísticas cometidas no concello de Barreiros, permitindo que se privaticen beneficios e, á vez, se asuma con fondos públicos a reposición dunha situación creada polo incumprimento do marco xurídico vixente
– Rego quere saber, entre outras cousas, si o Goberno galego ten previsto aplicar este mesmo modelo a todos os concellos de Galicia que se atopen en condicións análogas ou similares
Santiago , 10 de marzo de 2010. O deputado do Grupo Parlamentario do PSdeG-PSOE Ismael Rego rexistrou na Cámara Autonómica unha iniciativa na que interpelará á Xunta sobre situación urbanística do Concello de Barreiros.
Rego sinala que ao concello de Barreiros suspendéuselle a normativa urbanística municipal por incumprimento reiterado do marco xurídico regulador do urbanismo de Galicia en distintos eidos e con actuacións por parte dos responsables municipais do concello, tales como, por poñer algúns exemplos menores: o flagrante incumprimento de adaptación da súa normativa á lexislación urbanística, ou o outorgamento de licenzas de obras en solares non urbanizados ou non urbanizables e carentes de servizos de todo tipo e previsión deles.
O deputado advirte que a irresponsabilidade dos que adoptaron a decisión do outorgamento das ditas licenzas á marxe das previsións do ordenamento xurídico vixente, chegou non só a supoñer un grave problema, e un certo fraude para aqueles cidadáns que de boa fe puideron chegar a adquirir unha vivenda que non ten garantidos servizos tan básicos como enerxía eléctrica, auga, saneamento e tratamento de vertidos, etc; senón que, ademais, o volume das vivendas construídas ou con licenza para facelo, pon en grave risco a provisión dos ditos servizos para o conxunto da poboación do concello, dada a sensible desproporción existente entre o seu dimensionamento e a poboación que terían que atender.
Explica que o actual Goberno da Xunta de Galicia anunciou nos medios de comunicación un acordo cos promotores dos edificios construídos, ou con licenza para facelo, e os responsables municipais que impulsaron ou permitiron esta situación, a través dun convenio, suponse que co obxectivo de restituír a legalidade alí onde a lei non se cumpre, e, por outra banda, para establecer garantías en relación cos servizos públicos e privados que se teñen que garantir ao conxunto dos cidadáns de Barreiros.
Rego di que o Goberno da Xunta de Galicia parece que pretende facernos a todos os galegos corresponsables das presuntas irregularidades urbanísticas cometidas no concello de Barreiros, permitindo que se privaticen beneficios e, á vez, se asuma con fondos públicos a reposición dunha situación creada polo incumprimento do marco xurídico vixente.
Preguntas en Comisión
Polo exposto o deputado que asina solicita resposta oral ás seguintes preguntas:
1.ª) Cales son as previsións sobre os obxectivos a acadar co acordo anunciado sobre a aprobación dun convenio para afrontar a situación urbanística de Barreiros?
2.ª) Considera o Goberno galego que a reposición da legalidade urbanística na actual situación na que se atopa o concello de Barreiros se pode resolver cun convenio ou acordo entre os que xeraron esta situación e os que a impulsaron ou cando menos consentiron?.
3.ª) O modelo urbanístico do novo Goberno galego contempla a resolución de incumprimentos flagrantes da lexislación urbanística con convenios ad hoc?.
4.ª) Cales son as solucións que achegan os acordos acadados para dar resposta aos casos de incumprimentos flagrantes da normativa urbanística xa construídos ou con licenza outorgada polo responsable municipal que o pretende asinar?.
5.ª) Considera o Goberno galego un bo precedente para o futuro desenvolvemento urbanístico de Galicia a política de “vai facendo”, aínda que incumpras o marco xurídico vixente, que xa haberá un convenio para legalizar?.
6.ª) Ten previsto o Goberno galego aplicar este mesmo modelo a todos os concellos de Galicia que se atopen en condicións análogas ou similares?
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
