BURELA .- O presidente da Deputación, José Ramón Gómez Besteiro, participou na clausura das xornadas técnicas de Expomar e anunciou que o “Barco Muralla de Lugo” presentarase en A Mariña. Será un stand turístico-medioambiental móbil co que a Deputación homenaxeará ó monumento no seu decimo aniversario como Patrimonio da Humanidade, levando o seu nome por toda a xeografía española.
Nota de Prensa
Gómez Besteiro anuncia en Burela que a Mariña será o lugar elexido para presentar o Barco Muralla de Lugo
– Será un stand turístico-medioambiental móbil e pioneiro en España, co que a Deputación homenaxeará ó Monumento no seu 10º aniversario como Patrimonio da Humanidade, levando o seu nome por toda a xeografía española
– O titular provincial clausurou as XVII Xornadas Técnicas de Expomar 2010 que se desenvolveron estes días en Burela
O Presidente da Deputación, José Ramón Gómez Besteiro, clausurou este venres as XVII Xornadas Técnicas de Expomar 2010 que se desenvolveron onte e hoxe na Confraría de Pescadores “San Juan Baustita” de Burela. Este é o terceiro ano consecutivo que o titular provincial participa neste encontro “que xa é un referente para o sector non só en Lugo, senón tamén en Galicia”.
No acto, no que tamén participaron o Alcalde do municipio mariñano, Alfredo Llano, e o Xefe Territorial de Pesca, Vidal Martínez Sierra, Gómez Besteiro anunciou que a Mariña será o lugar escollido para presentar o Barco Muralla de Lugo. Será un stand turístico-medioambiental móbil e pioneiro en España, en forma de barco pesqueiro, que homenaxeará ó Monumento bimilenario no seu décimo aniversario como Patrimonio da Humanidade, levando o seu nome por toda a xeografía española.
O Barco Muralla de Lugo non só funcionará como aula medioambiental, promocionando a provincia, senón que “surcará” as estradas para estar presente en feiras e festas contribuíndo á comercialización dos produtos autóctonos lucenses. Ademais, estará totalmente ambientado nos barcos da mariña luguesa.
Gómez Besteiro realizou este anuncio no transcurso da clausura das xornadas nas que tamén destacou que a Mariña é un dos motores económicos máis importantes de Galicia. Deste xeito, apuntou que, tal e reflicte o Plan Estratéxico da provincia que elaborou a Deputación, Burela e Celeiro contabilizan a flota industrial da provincia e son un referente na actividade portuaria galega e mesmo española. Neste senso, sinalou que o documento pon de relevo que nesta zona da provincia existe unha flota de referencia en determinadas especies como o bonito, a pescada ou o mero, e unha flota de altura claramente competitiva que faena principalmente en augas comunitarias.
Asimesmo, o máximo mandatario provincial lembrou que, malia que a Deputación non ten compentencias en materia pesqueira, xa que estás correspóndenlle as administracións autonómica e estatal, tamén colabora no financiamento de proxectos impulsados polas confrarías e asociacións marítimas.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
