RIBADEO (FNC) .- O alcalde de Ribadeo, Fernando Suárez, asegura que un goberno non é goberno se non ten uns presupostos cos que traballar. O rexedor cualificou de lamentable, patética e penosa a actitude dos partidos da oposición no pleno extraordinario celebrado esta mañá no que rexeitaron por segunda vez o proxecto de orzamentos presentado polo BNG. Agora ábrese o prazo dun mes para que presenten unha moción de censura, de non ser así os presupostos de 2010 quedarían aprobados automaticamente.
O rexedor explicou que “na sesión de hoxe presentamos de novo a proposta de presupostos para o ano 2010 insistindo na necesidade de que o Concello de Ribadeo, nun momento difícil a nivel xeral e a nivel municipal, ten que ter uns orzamentos vixentes do ano en curso. Non podemos estar cuns presupostos prorrogados porque cando se iso ocorre prorrógase o gasto ordinario, pero non se prorrogan as inversións e nos parece suicida seguir cos orzamentos de 2009”. Desde o equipo de goberno “volvemos insistir en que se trata dun presuposto axustado, equilibrado, no que baixamos o gasto corrente, no que hai investimentos importantes e hai un fondo social contra a crise inédito na maioría dos Concellos e que aquí queremos levar adiante. Ademais levamos tres anos sen recurrir a un só préstamo bancario, o PP pediu no seu último mandato 2.400.000 euros e no goberno do PSOE de Balbino Pérez Vacas, do que nós tamén formamos parte, solicitouse un préstamo de 1.200.000 euros e nós agora o único que fixemos foi amortizar préstamos doutras etapas, de tal maneira que levamos xa amortizados 1.200.000 euros”.
Pago aos funcionarios
Suárez Barcia considera que “aos grupos da oposición pouco ou nada lles interesaron estas cifras e estas previsións dado que nos 25 minutos de debate previos a que o alcalde fixese o alegato final para someter a votación os presupostos o único que fixeron os portavoces de PP, PSOE e UPRI foi marear a perdiz e xustificar o inxustificable, dicindo que o alcalde non tiña palabra porque non repartiu os 68.000 euros entre os funcionarios municipais, porque o alcalde se comprometera en pleno e logo non cumprira”. O alcalde e o seu grupo “sabemos e sempre soubemos na minoría na que estamos, de aí que tentamos achegarnos a todos, tanto a uns coma a outros, e buscamos os apoios para sacar adiante as cousas e non foron poucas as que se sacaron. Pero agora ao finalizar este mandato intentan calquera escusa e me parece triste, lamentable, patético e penoso que o único argumento que teñen é que o alcalde non repartiu 68.000 euros entre os funcionarios”.
O alcalde de Ribadeo sinalou que “sabendo na minoría na que estamos, tentamos negociar para cumprir ese acordo que tivemos que admitir do PP hai un ano, pero o alcalde non pode nin debe facer nada que vaia contra a lei nin con informes de Intervención desfavorables e a única maneira que tiña para chegar a un acordo era negociar cos sindicatos á hora de sacar unha nova relación de postos de traballo, aceptándolles unha chea de cousas, pero que sempre eran insuficientes para os representantes dos traballadores. E ao final resultou que os propios sindicatos romperon as negociacións e foi entón cando decidimos presentar os presupostos sen ningún tipo de incremento porque nós non podemos nin debemos repartir un só céntimo á marxe da legalidade”. Fernando Suárez engadiu que “eu supoño que para moitos funcionarios este goberno municipal e concretamente a figura deste alcalde lles resultará un tipo antipático e duro, pero dubido moito que fora das catro paredes do Concello a opinión pública da xente estea do seu lado, todo este asunto os está enervando moito e creo que a opinión que están sostendo de xeito unánime os tres grupos da oposición de condenar todo un presuposto de inversións para a vila, para as parroquias, para facer novos nichos, para amañar o casco vello… condicionar todo iso a que o alcalde non repartiu 68.000 euros paréceme francamente lamentable”.
Reflexión e mensaxe final
O rexedor ribadense dixo que “un goberno non é goberno se non ten uns presupostos cos que traballar, porque non podemos estar todo un ano ata as eleccións coas mans atadas só para pagar o gasto ordinario e as nóminas dos funcionarios, para iso non estamos. Nós vimos ao goberno para traballar e para facer cousas por Ribadeo e estivemos e estamos a facer moitas cousas con moito menos diñeiro que o que tiveron outros cando había vacas gordas, a nós tócanos xestionar as vacas fracas e nós nos imos ser uns inconscientes, incluso ata o punto de que estamos dispostos a deixar o noso cargo e que despois a cidadanía no ano 2011 poña a cadaquén no seu sitio”.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
