VIVEIRO .- O Consello da Xunta aprobou un decreto polo que se modifica a ordenación provisional, polo que se suspende a vixencia das normas subsidiarias de planeamento de Viveiro e se aproba a ordenación urbanística provisional ata a entrada en vigor do novo planeamento.
A XUNTA DE GALICIA APROBA O DECRETO POLO QUE SE MODIFICA A ORDENACIÓN URBANÍSTICA PROVISIONAL DO CONCELLO DE VIVEIRO
* Nas condicións xerais de edificación, permítese a construción de semisotos que non sobresaian máis dun metro en calquera das rasantes do terreo en contacto coa edificación
* Aceptaranse corpos voados pechados sobre as vís ou espazos púlicos
* A ocupación máxima da parcela polo edificio limítase en 200 metros cadrados, exceptuando desta limitación as vivendas unifamiliares entre medianeiras
* Prohíbese a apertura de novas vías, rúas ou camiños, así como a ampliación dos existentes, sen prexuízo do establecido na lexislación aplicable ás estradas de titularidade estatal ou autonómica
A Consellería de Medio Ambiente, Territorio e Infraestruturas aprobou hoxe no Consello da Xunta o Decreto polo que se modifica a ordenación provisional aprobada no Decreto 102/2006, do 22 de xuño, polo que se suspende a vixencia das normas subsidiarias de planeamento de Viveiro e se aproba a ordenación urbanística provisional ata a entrada en vigor do novo planeamento.
O Concello de Viveiro solicitou á Xunta de Galicia a modificación dunha serie de puntos da Ordenación Urbanística Provisional (OUP) ao apreciar certos defectos e obstáculos para aplicar o citado decreto. Este municipio propuxo cambios no planeamento, que tras ser analizados pola Comisión Superior de Urbanismo, foron aceptados polo Goberno galego.
En primeiro lugar, as mudanzas inciden nas condicións xerais de edificación, permitindo a construción de semisotos que non sobresaian máis dun metro en calquera das rasantes do terreo en contacto coa edificación. Tamén se posibilita a construción de ata dous sotos, sempre que non sobresaian en ningún punto da rasante natural do terreo en contacto coa edificación.
En segundo lugar, modifícase a ordenanza de solo urbano de baixa densidade, cuxa aplicación se vincula aos terreos clasificados como solo urbano nas normas subsidiarias de planeamento municipal. A novidade reside en que, a partir de agora, se aplicará tamén no caso de terreos situados en conxuntos edificatorios que se deban completar cunha edificación en continuidade cunha soa medianeira. A ocupación máxima da parcela polo edificio limítase en 200 metros cadrados, exceptuando desta limitación as vivendas unifamiliares entre medianeiras.
En terceiro lugar, introdúcense cambios na ordenanza de solo urbano de media densidade, de aplicación aos terreos clasificados como solo urbano nas normas subsidiarias de planeamento municipal. A citada aplicación tamén se realizará no caso de terreos enmarcados en conxuntos edificatorios que se deban completar cunha edificación en continuidade cunha soa medianeira.
En canto ás condicións específicas de edificación, cabe citar que nas cubertas se mantén en vigor o establecido na modificación puntual da normativa urbanística municipal das normas subsidiarias de planeamento municipal. Ademais, o fondo máximo edificable é de 18 metros nas plantas altas.
A altura máxima permitida, en número de plantas, será a media das alturas das dúas edificacións lindeiras. No caso de que a diferenza de altura sexa de só unha planta, a altura máxima permitida será a do edificio contiguo de menor altura.
No que se refire a voos, permitiranse corpos voados pechados sobre as vías ou espazos públicos. As modificacións tamén recollen a posibilidade de galerías ou balcóns coas seguintes condicións: que estean a unha altura maior de 3,60 metros por riba da rasante da rúa, medidas desde o punto máis desfavorable; nas rúas de largo inferior a 8 metros, non se permiten; e nas rúas con largo superior a 8 metros, os saíntes poden acadar 1/20 do largo da rúa, e a dimensión non pode exceder os 1,20 metros. En calquera caso, o corpo voado deberá estar recuado como mínimo 0,30 metros desde o plano do bordo e 0,25 desde a medianeira.
En cuarto lugar, no eido dos equipamentos e dotacións, proponse unha altura máxima de 4 plantas ou a que requira a instalación xustificada; recuamentos mínimos de 5 metros en todos os lindeiros; condicións de parcelación cunha superficie edificable máxima de 50%.
En quinto lugar, no que se refire ao sistema viario, prohíbese a apertura de novas vías, rúas ou camiños, así como a ampliación dos existentes, sen prexuízo do establecido na lexislación aplicable ás estradas de titularidade estatal ou autonómica. Non obstante, enténdese que se poderán autorizar nelas obras de urbanización. Cando se trate de terreos clasificados como solo rústico ou non urbanizable, será de aplicación o réxime establecido para o solo rústico de especial protección de infraestruturas que inclúe o dominio público e os terreos contiguos ata a liña límite de edificación.
En sexto lugar, modifícase o artigo 7.1, correspondente ao solo de núcleo rural. No texto, agora di “aplícase a presente ordenanza aos núcleos rurais…” onde anteriormente se negaba esa aplicación.
Finalmente, no artigo 12, relacionado co Parque Empresarial de Landrove, corríxese un erro textual do decreto anterior: onde dicía 80/2002, agora di 80/2000.
Antecedentes
Cómpre sinalar que mediante o Decreto 102/2006, do 22 de xuño e ao abeiro do disposto no artigo 96 da Lei 9/2002 (LOUGA), do 30 de decembro, o Consello da Xunta de Galicia suspendeu a vixencia do planeamento de Viveiro e fixou a ordenación urbanística provisional (OUP).
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
