NOTA DE PRENSA
23 de agosto de 2010. Malia á suspensión en 2005 (Decreto 555/2005) da concesión de 32 aproveitamentos hidroeléctricos e á aprobación en 2006 da ILP en Defensa dos Ríos, novas minicentrais amezan a vida dos nosos ríos da man do novo Plano Hidrolóxico. As concesións hidroeléctricas aprobadas polo governo Fraga en funcións e denunciadas polo Consello de Contas, poden ser unha realidade denantes de 2015. Feijóo (daquela vicepresidente) e Hernández (daquela responsabel de Augas de Galiza) pretenden continuar co saqueo dos nosos ríos onde o deixaron en 2005.
Mais a situación mudou: a Directiva Marco da Auga obriga a acadar o bo estado das masas de auga para 2015, algo que este Plano Hidrolóxico non pode garantir, e menos con novas minicentrais. Europa non aceitará as escusas de mal pagador da Xunta e podería ameazar con sancións ou coa retirada de fundos como aconteceu coas depuradoras ou a Rede Natura. Por outra banda, a Lei 5/2006 de Defensa dos Ríos Galegos prevalece sobre a planificación sectorial, e calquera incumprimento podería dar lugar a responsabilidades penais que ADEGA sen dúbida esixirá, aumentando a nómina de imputados do actual governo. Mais a peza chave é o compromiso social en defensa dos ríos e a oposición a estas novas desfeitas, que ADEGA levará até as últimas consecuencias.
Á Xunta non lle quedaba outra que acatar a normativa Europea e comezar a cumprir, cun escandaloso retraso, os preceitos da Directiva Marco da Auga. Mais como en tantos outros casos, o documento do Plano Hidrolóxico é para a administración un molesto trámite, no que o diagnóstico do estado dos ríos vai por un lado e as propostas de actuación, por outro. Só así pode entenderse que, recoñecendo que as principais afeccións aos ríos galegos son as minicentrais (preámbulo da lei 5/2006, aprobada por unanimidade dos tres grupos parlamentares), e que o 30% dos ríos e o 82% dos encoros non acadan o bo estado (documento de síntese do PHGC), a administración receite máis aproveitamentos hidroeléctricos.
Curioso tamén que maila a que o sector enerxético vencellado á auga emprega apenas un 2% (incluindo térmicas e gaseiras) dos postos de traballo totais, e a que a minihidráulica queda fóra das prioridades do Plano Enerxético 2007-2012, a Xunta contempla un cenario “sustentábel” para o 2015 con 33 novas minicentrais, con nomes e apelidos, sen ter sequera aprobado o instrumento para desenvolver o sector (Plano Sectorial Hidroeléctrico). Quizáis porque este documento, a piques de ser aprobado polo bipartito, establecía o “punto final” ás minicentrais en base ao cumprimento da Directiva Marco e á diagnose de sobreexplotación dos nosos ríos. Deste xeito, resulta evidente que un dos obxectivos deste Plano Hidrolóxico é dar “cobertura legal” ou millor dito apariencia de legalidade, a un novo saqueo do noso patrimonio fluvial.
E é que durante a era Fraga, as minicentrais viviron a súa idade dourada cando os ríos non eran máis que reservorios de quilowatios para repartir entre os amigos. Trámites administrativos express, declaracións ambientais a medida, Plano Hidrolóxico (o vixente) sen avaliación ambiental, trafego de concesións… Minicentrais perpetradas en plena Rede Natura (ríos Verduxo -salto do Ramallal- e Oitavén -salto do Gaxate-) promovidas por persoeiros como Antonio Vidal Pego (prófugo da Interpol por pesca ilegal) e Luis Castro Valdivia (cuñado do ex-Director Xeral de Industria do PP Ramón Ordás Badía) imputados ambos por tráfico de influenzas, exemplifican a corrupción e unha pésima xestión que non debería voltar.
O propio conselleiro Hernández coñece de primeira man o novelo das minicentrais. Súa é a sinatura da Declaración de Impacto Ambiental máis delirante da historia, a do encoro do Umia, cando era subdirector xeral de Infraestruturas Hidráulicas. O documento, e a súa incríbel “corrección de erros” posterior, é ben coñecido no sector como exemplo de chafallada e prepotencia: era copia literal doutro proxecto en Huelva no que nen sequera molestáronse en trocar os topónimos (Puebla de Guzmán, río Guadiana…) Deste xeito despachouse unha obra sen estudo de campo que logo o Supremo en tres sentenzas declarou ilegal a ocupación de terras pola Xunta. Por iso, en ADEGA non nos fiamos deste conselleiro que, con semellante curriculum, parece máis o raposo a ter conta do galiñeiro que o responsábel de garantir a saúde dos nosos ríos.
Dende ADEGA preguntámonos se os señores Hernández e Feijóo van xestionar os ríos galegos como o fixeron cando ostentaron cargos de responsabilidade na era Fraga. Daquela, a prepotencia e a impunidade eran a norma. Agora, a sociedade galega avanzou na conciencia ambiental e hai máis ferramentas legais para defender os nosos ríos. Dende logo, ADEGA non vai asistir impasíbel á reedición dunha política hidráulica caduca e insustentábel máis acaída á época de “Cuéntame”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
